«زاڭسىز بيزنەسى بار»: ساياساتكەر حاساننىڭ قالاي بايىعانى تەكسەرىلسىن دەپ تالاپ قويدى

فوتو:smartnews.kz

حاساننىڭ ايەلىنە تيەسىلى بىرنەشە بيزنەس پەن ۇيلەر, جەر تەلىمدەرى انىقتالدى, دەپ جازادى qandastar.kz smartnews.kz-كە سىلتەمە جاساپ.

SMARTNEWS.KZ باسىلىمىنىڭ حابارلاۋىنشا, مينيسترلىك تالعار ماڭىندا پايدالى قازبالاردى بارلاۋعا نەمەسە وندىرۋگە ەشكىمنىڭ قۇقىعى جوق ەكەنىن مالىمدەگەن.

بىراق تالعارلىق حاسان قاسىمباەۆتىڭ بەتون زاۋىتى بار بوپ شىقتى. ساياساتكەر ەرمۇحامەت ەرتىسباەۆ پەن ازاماتتىق بەلسەندى جارقىن كۇرەنتاەۆ كۇدىكتىنىڭ بۇل بيزنەسىن – زاڭسىز بيزنەس دەپ باعالاپ وتىر. ولار تالعاردا ۇستالعان حاسان قاسىمباەۆتىڭ قالاي بايىعانى تەكسەرىلسىن دەپ قۇزىرلى ورگاندارعا ۇندەۋ تاستادى. حاسان كاسىپكەر رەتىندە تىركەلگەن. ونىڭ بەتون زاۋىتى بار. وسىدان كەيىن ەڭ قىزىعى باستالادى, – دەيدى ەرمۇحامەت ەرتىسباەۆ.

كۇرەنتاەۆتىڭ ايتۋىنشا, تالعار اۋدانى كەڭدالا اۋىلدىق وكرۋگىندە وتە ۇلكەن, ءماسسيۆتى كارەرلەر بار. وندا ۇساق تاس, قۇم – قاتتى پايدالى قازبالار قازىلادى.

مەنىڭ قولىمدا ونەركاسىپ جانە قۇرىلىس مينيسترلىگىنىڭ حاتى بار. وندا «مينيسترلىكتىڭ جەر قويناۋىن پايدالانۋشىلار رەەسترىنە سايكەس, الماتى وبلىسى تالعار اۋدانى كەڭدالا اۋىلدىق وكرۋگى اۋماعىندا قاتتى پايدالى قازبالاردى بارلاۋعا نەمەسە ءوندىرۋ قۇقىعى ەشكىمدە جوق» دەپ جازىلعان. مۇنى مينيسترلىك جازىپ وتىر. ال ءبىز تالعاردا قانشاما كارەر بارىن بىلەمىز. سوعان قاراماستان حاسان قاسىمباەۆ مىرزادا بەتون زاۋىت بار. ياعني, تالعار اۋدانىندا فاكت جاعىنان كارەرلەر بار. مينيسترلىك ول جاقتا جوق دەيدى. ول سوندا شيكىزاتتى قايدان الادى? – دەپ سۇرادى جارقىن كۇرەنتاەۆ. ەرمۇحامەت ەرتىسباەۆ تالعارلىق حاسان قاسىمباەۆتىڭ اعاسى اكىمدىكتە جۇمىس ىستەگەنىن ەسەپكە الا وتىرىپ, ونىڭ تابىسقا قالاي كەنەلگەنىن قۇقىق قورعاۋ ورگاندارى تەكسەرۋى كەرەك دەپ جەتكىزدى.    ال كۋرسيۆ باسىلىمى حاسان قاسىمباەۆتىڭ اتىنا تىركەلگەن بيزنەس پەن م ۇلىكتىڭ جوقتىعىن بايقاعان. كەرىسىنشە, ونىڭ ايەلى ءزۇلفيا قاسىمباەۆانىڭ ەسىمىمەن سايكەس ايەل ادامعا تالعار قالاسىنان ەكى قاباتتى عيمارات پەن ءۇي, سونداي-اق رىسقۇلوۆ اۋىلىنان (بۇرىنعى اتاۋى حۋتور) ءۇي مەن جەر ۋچاسكەسى تىركەلگەن بوپ شىقتى. «كۇيەۋىمنىڭ ەشبىر قىلمىستىق توپقا دا, ەشقانداي قىلمىسقا دا قاتىسى جوق» دەپ توقاەۆقا ۇندەۋ جاساعان ءزۇلفيا قاسىمباەۆانىڭ ايتۋىنشا, حاسان قاسىمباەۆ مال شارۋاشىلىعىمەن اينالىسادى. ودان بولەك كىشىگىرىم بەتون زاۋىتىنا يەلىك ەتەدى. الايدا حاسان قاسىمباەۆقا نەمەسە ونىڭ اناسى گۇلنار نۇراكەنوۆاعا تىركەلگەن بيزنەس تۋرالى اشىق كوزدەردەن بەتون زاۋىتى مەن مال شارۋاشىلىعىنا قاتىستى قانداي دا ءبىر دەرەكتى تابۋ مۇمكىن ەمەس.

دەگەنمەن ءزۇلفيا قاسىمباەۆا ەسىمدى كاسىپكەر تۋرالى بىرقاتار اقپاراتقا قولجەتكىزۋ وڭاي بولىپ شىقتى. Kompra سەرۆيسىنىڭ دەرەگىنشە, بۇل ادام 2019 جىلى «يپ ايسۇلتان» اتىمەن جەكە كاسىپكەرلىككە تىركەلگەن. ۇيىم جەكە مەنشىكتى جانە جالداۋ قىزمەتتەرىن باسقارۋمەن اينالىسادى دەپ كورسەتىلگەن. سونىمەن قاتار حاساننىڭ ايەلىمەن اتتاس ءزۇلفيا قاسىمباەۆاعا جوعارىدا اتاپ وتكەندەي, تالعار اۋدانىنداعى رىسقۇلوۆ اۋىلىندا جەر ۋچاسكەسى مەن ءۇي, سونداي-اق تالعار قالاسىنىڭ وزىندەگى جەكە ءۇي مەن كوپقاباتتى عيمارات تيەسىلى. ال 2GIS سەرۆيسىنىڭ دەرەگى بويىنشا, بۇل تالعارداعى عيماراتتا التى بيزنەس سۋبەكتىسى جۇمىس ىستەيدى. عيماراتتا SPA ورتالىعى مەن كوسمەتولوگيا ستۋدياسى, سۇلۋلىق سالونى, بالالار ورتالىعى, تۇز ۇڭگىرى, دياگنوستيكالىق زەرتحانا جانە دۇكەن بار.