«Zańsyz bıznesi bar»: saıasatker Hasannyń qalaı baıyǵany tekserilsin dep talap qoıdy

Foto:smartnews.kz

Hasannyń áıeline tıesili birneshe bıznes pen úıler, jer telimderi anyqtaldy, dep jazady qandastar.kz smartnews.kz-ke silteme jasap.

SMARTNEWS.KZ basylymynyń habarlaýynsha, mınıstrlik Talǵar mańynda paıdaly qazbalardy barlaýǵa nemese óndirýge eshkimniń quqyǵy joq ekenin málimdegen.

Biraq Talǵarlyq Hasan Qasymbaevtyń beton zaýyty bar bop shyqty. Saıasatker Ermuhamet Ertisbaev pen azamattyq belsendi Jarqyn Kúrentaev kúdiktiniń bul bıznesin – zańsyz bıznes dep baǵalap otyr. Olar Talǵarda ustalǵan Hasan Qasymbaevtyń qalaı baıyǵany tekserilsin dep quzyrly organdarǵa úndeý tastady. Hasan kásipker retinde tirkelgen. Onyń beton zaýyty bar. Osydan keıin eń qyzyǵy bastalady, – deıdi Ermuhamet Ertisbaev.

Kúrentaevtiń aıtýynsha, Talǵar aýdany Keńdala aýyldyq okrýginde óte úlken, massıvti karerler bar. Onda usaq tas, qum – qatty paıdaly qazbalar qazylady.

Meniń qolymda О́nerkásip jáne qurylys mınıstrliginiń haty bar. Onda «mınıstrliktiń jer qoınaýyn paıdalanýshylar reestrine sáıkes, Almaty oblysy Talǵar aýdany Keńdala aýyldyq okrýgi aýmaǵynda qatty paıdaly qazbalardy barlaýǵa nemese óndirý quqyǵy eshkimde joq» dep jazylǵan. Muny mınıstrlik jazyp otyr. Al biz Talǵarda qanshama karer baryn bilemiz. Soǵan qaramastan Hasan Qasymbaev myrzada beton zaýyt bar. Iaǵnı, Talǵar aýdanynda fakt jaǵynan karerler bar. Mınıstrlik ol jaqta joq deıdi. Ol sonda shıkizatty qaıdan alady? – dep surady Jarqyn Kúrentaev. Ermuhamet Ertisbaev talǵarlyq Hasan Qasymbaevtyń aǵasy ákimdikte jumys istegenin esepke ala otyryp, onyń tabysqa qalaı kenelgenin quqyq qorǵaý organdary tekserýi kerek dep jetkizdi.    Al Kýrsıv basylymy Hasan Qasymbaevtyń atyna tirkelgen bıznes pen múliktiń joqtyǵyn baıqaǵan. Kerisinshe, onyń áıeli Zúlfııa Qasymbaevanyń esimimen sáıkes áıel adamǵa Talǵar qalasynan eki qabatty ǵımarat pen úı, sondaı-aq Rysqulov aýylynan (burynǵy ataýy Hýtor) úı men jer ýchaskesi tirkelgen bop shyqty. «Kúıeýimniń eshbir qylmystyq topqa da, eshqandaı qylmysqa da qatysy joq» dep Toqaevqa úndeý jasaǵan Zúlfııa Qasymbaevanyń aıtýynsha, Hasan Qasymbaev mal sharýashylyǵymen aınalysady. Odan bólek kishigirim beton zaýytyna ıelik etedi. Alaıda Hasan Qasymbaevqa nemese onyń anasy Gúlnar Nurakenovaǵa tirkelgen bıznes týraly ashyq kózderden beton zaýyty men mal sharýashylyǵyna qatysty qandaı da bir derekti tabý múmkin emes.

Degenmen Zúlfııa Qasymbaeva esimdi kásipker týraly birqatar aqparatqa qoljetkizý ońaı bolyp shyqty. Kompra servısiniń dereginshe, bul adam 2019 jyly «IP Aısultan» atymen jeke kásipkerlikke tirkelgen. Uıym jeke menshikti jáne jaldaý qyzmetterin basqarýmen aınalysady dep kórsetilgen. Sonymen qatar Hasannyń áıelimen attas Zúlfııa Qasymbaevaǵa joǵaryda atap ótkendeı, Talǵar aýdanyndaǵy Rysqulov aýylynda jer ýchaskesi men úı, sondaı-aq Talǵar qalasynyń ózindegi jeke úı men kópqabatty ǵımarat tıesili. Al 2GIS servısiniń deregi boıynsha, bul Talǵardaǵy ǵımaratta alty bıznes sýbektisi jumys isteıdi. Ǵımaratta SPA ortalyǵy men kosmetologııa stýdııasy, sulýlyq salony, balalar ortalyǵy, tuz úńgiri, dıagnostıkalyq zerthana jáne dúken bar.