Zańsyz syıaqy alǵan: О́skemende HQKO burynǵy basshysy sottaldy

Foto: ashyq derekkóz

Qarjy monıtorıngi agenttigi Shyǵys Qazaqstan oblysy boıynsha departamenti «Azamattarǵa arnalǵan úkimet» KeAQ fılıalynyń О́skemendegi mamandandyrylǵan bóliminiń burynǵy basshysyna qatysty qylmystyq isti aıaqtady, dep jazdy qandastar.kz

2023 jyldyń aqpan men qazan aılary aralyǵynda kúdiktiniń júrgizýshi kýáligin alý úshin jol qozǵalysy erejelerin bilýge teorııalyq emtıhan tapsyrǵan azamattardan zańsyz syıaqy alý shemasyn uıymdastyrǵany anyqtaldy.

«Follow the money qaǵıdaty boıynsha tergeý is-qımyldaryn júrgizýdi kózdeıtin Agenttiktiń «Paralleldi qarjylyq tergeý» iske asyrylyp jatqan jobasy 32 mıllıon teńgeden astam zańsyz syıaqylar túrinde alynǵan qylmystyq tabysty anyqtaýǵa múmkindik berdi», – delingen habarlamada.

Tergeý barysynda kúdiktiniń banktegi jeke shotyna mobıldi qosymsha arqyly syıaqy alǵany belgili boldy.

Mundaı kirister quqyq qorǵaý organdarynda kúdik týdyrýy múmkin ekenin túsinip, olardyń qylmystyq shyǵý tegin jasyrý maqsatynda kúdikti sol banktegi shottary arasynda birneshe ret aýdarymdar jasaǵan.

«Budan basqa, paralleldi qarjylyq tergeý sheńberinde qylmystyq aqsha qarajatyna kúdiktiniń О́skemendegi eki bólmeli páter satyp alynǵany jáne ony jasyrý maqsatynda anasyna resimdelgeni anyqtaldy. Keıinnen bul páter táýliktik jalǵa berý úshin paıdalanylyp, 1,2 mıllıon teńgeden astam qosymsha qylmystyq tabys ákelgen», –delingen habarlamada.

Sonymen qatar tárkileýge jol bermeý maqsatynda kúdikti sotaldy tergep-tekserý bastalǵannan keıin atalǵan páterdi satyp alý-satý sharttary boıynsha úshinshi tulǵalarǵa tirkegen. Sot úkimi boıynsha, kúdikti kináli dep tanyldy. Oǵan Qylmystyq jolmen alynǵan 19,5 mıllıon teńge bolatyn О́skemendegi eki bólmeli páterdi memleket kirisine tárkileı otyryp, 3 jyl merzimge bas bostandyǵyn shekteý túrindegi jaza taǵaıyndaldy.

Eske salaıyq, buǵan deıin Qaraǵandy oblysynda bir top Halyqqa qyzmet kórsetý ortalyǵynyń qyzmetkerleri 30-dan astam júk kóligin bastapqy tirkeýden zańsyz ótkizgenin jazdyq. Jergilikti bıýdjetke 315 mln teńgeden astam somaǵa tólem túspegen. Kúdikti retinde mamandandyrylǵan HQKO-nyń burynǵy basshysy jáne HQKO basshysynyń orynbasary ustaldy. Sot olardy «qamaýda ustaý» túrindegi bultartpaý sharasyna sankııa berdi