جاڭالىقتار
زارداپ شەككەندەر بار: ستەپنوگوردا كەن ورنى وپىرىلدى
فوتو: اشىق دەرەككوز
«قازاقالتىن» جشس-نە قاراستى بەستوبە كەنتى فيليالىنىڭ ەكى جۇمىسشىسى اسا اۋىر جاراقات العان, – دەپ حابارلايدى qandastar.kz
بەلگىلى بولعانداي, اعاش بەكىتكىشتى ازىرلەۋ كەزىندە قايرات 3 جەلى بلوگىندا تاۋ جىنىسىنىڭ ءبىر بولىگى 700 مەتردەن وپىرىلىپ, قۇلاعان. سالدارىنان فيليال جۇمىسشىلارى اۋىر جاراقات العان. زارداپ شەككەن جۇمىسشىلار جەر ۇستىنە كۇندىزگى 13.30 شاماسىندا شىعارىلعان. جۇمىسشىلاردىڭ بىرىنە العاشقى مەديتسينالىق كومەك كورسەتىلىپ, ستەپنوگور قالالىق اۋرۋحاناسىنا جەتكىزىلدى. 40 جاستاعى ەكىنشى جۇمىسشى اۋىر جاراقاتتىڭ سالدارىنان قازا بولدى. مارقۇمنىڭ دەنەسى سوت-مەديتسينالىق ساراپتاماسىنا جەتكىزىلگەن.
قازىرگى ۋاقىتتا اتالعان قايعىلى جاعدايدى ارنايى تەكسەرۋ ماقساتىندا قۇرامىنا مەملەكەتتىك ەڭبەك ينسپەكتسياسى مەن ونەركاسىپتىك قاۋىپسىزدىك دەپارتامەنتتەرىنىڭ وكىلدەرى كىرگەن كوميسسيا قۇرىلعان. تەرگەۋ جۇرگىزىلىپ, قايعىلى وقيعانىڭ سەبەبىن ارنايى قۇرىلعان كوميسسيا انىقتاماق. وقيعا بويىنشا ءوڭىردىڭ پوليتسيا قىزمەتى دە اينالىسىپ, قىلمىستىق ءىس قوزعالعان.
— بەستوبەنىڭ باتىس كەن ورنىندا جۇمىسشىنىڭ قازا بولۋ فاكتىسى بويىنشا بايقاۋسىزدا ادام ولىمىنە اكەلىپ سوققان ەڭبەكتى قورعاۋ ەرەجەسىنىڭ بۇزىلۋى بابى بويىنشا قىلمىستىق ءىس قوزعالدى, – دەدى اقمولا وبلىسى پوليتسيا دەپارتامەنتىنىڭ ءباسپاسوز قىزمەتىنەن.
