جاڭالىقتار
زەينەتاقى قورىندا 260 مىڭ قايتىس بولعان سالىمشىنىڭ 27,8 ملرد تەڭگەسى بار
فوتو: اشىق دەرەككوز
بىرىڭعاي جيناقتاۋشى زەينەتاقى قورى قايتىس بولعان سالىمشىلاردىڭ مۇراگەرلىك راسىمدەلمەگەن شوتتارى تۋرالى مالىمەت بەردى, – دەپ حابارلايلى Aikyn.kz سايتى kaz.inform.kzسايتىنا سىلتەمە جاساپ.
«الەۋمەتتىك كودەكستىڭ ەرەجەلەرىندە بجزق-دان, ونىڭ ىشىندە الۋشىنىڭ قايتىس بولۋىنا بايلانىستى زەينەتاقى جيناقتارىن تولەۋدى (جەرلەۋگە جانە (نەمەسە) مۇراگەرلەرگە) جۇزەگە اسىرۋ ءۇشىن نەگىزدەردىڭ تولىق تىزبەسى ايقىندالعان. سايكەسىنشە, زەينەتاقى جيناقتارىنىڭ سومالارىن الۋشى نەمەسە ونىڭ مۇراگەرى (مۇراگەرلەرى) وسى سومانى تالاپ ەتكەنگە دەيىن ول بجزق ەسەبىندە بولادى», – دەپ جازادى قور ماماندارى.
تومەندە بجزق ەسەبىندە تۇرعان, مۇراگەرلىك رەسىمدەلمەگەن جەكە زەينەتاقى شوتتارىنىڭ سانى مەن وندا بار سومالار تۋرالى مالىمەت (01.01.2024 ج. جاعداي بويىنشا) ۇسىنىلعان:
ەر سالىمشىلار – 186,8 مىڭ, جەكە زەينەتاقى شوتتارداعى جالپى سوما – 21 ملرد 567 ملن تەڭگە.
ايەل سالىمشىلار – 72,8 مىڭ, جزش-داعى جالپى سوما – 6 ملرد 209 ملن تەڭگە.
بارلىعى: 259,6 مىڭ جزش-دا 27 ملرد 776 ملن تەڭگە جاتىر.
«جوعارىداعى كەستەدەن كورىپ وتىرعانىڭىزداي, بجزق-دا زەينەتاقى جيناقتارى بار قايتىس بولعان سالىمشىلاردىڭ اقشالارى «ارتىلىپ» قالمايدى جانە ەشقايدا جۇمسالمايدى. جيناقتار قولدانىستاعى زاڭناماعا سايكەس ولاردىڭ مەنشىگى بولىپ تابىلادى جانە مۇراعا قالدىرىلادى», – دەپ جازىلعان قوردىڭ جاۋابىندا.
