Jańalyqtar
Zeınetaqy qorynda 260 myń qaıtys bolǵan salymshynyń 27,8 mlrd teńgesi bar
Foto: ashyq derekkóz
Biryńǵaı jınaqtaýshy zeınetaqy qory qaıtys bolǵan salymshylardyń muragerlik rásimdelmegen shottary týraly málimet berdi, – dep habarlaıly Aikyn.kz saıty kaz.inform.kzsaıtyna silteme jasap.
«Áleýmettik kodekstiń erejelerinde BJZQ-dan, onyń ishinde alýshynyń qaıtys bolýyna baılanysty zeınetaqy jınaqtaryn tóleýdi (jerleýge jáne (nemese) muragerlerge) júzege asyrý úshin negizderdiń tolyq tizbesi aıqyndalǵan. Sáıkesinshe, zeınetaqy jınaqtarynyń somalaryn alýshy nemese onyń murageri (muragerleri) osy somany talap etkenge deıin ol BJZQ esebinde bolady», – dep jazady qor mamandary.
Tómende BJZQ esebinde turǵan, muragerlik resimdelmegen jeke zeınetaqy shottarynyń sany men onda bar somalar týraly málimet (01.01.2024 j. jaǵdaı boıynsha) usynylǵan:
Er salymshylar – 186,8 myń, jeke zeınetaqy shottardaǵy jalpy soma – 21 mlrd 567 mln teńge.
Áıel salymshylar – 72,8 myń, JZSh-daǵy jalpy soma – 6 mlrd 209 mln teńge.
Barlyǵy: 259,6 myń JZSh-da 27 mlrd 776 mln teńge jatyr.
«Joǵarydaǵy kesteden kórip otyrǵanyńyzdaı, BJZQ-da zeınetaqy jınaqtary bar qaıtys bolǵan salymshylardyń aqshalary «artylyp» qalmaıdy jáne eshqaıda jumsalmaıdy. Jınaqtar qoldanystaǵy zańnamaǵa sáıkes olardyń menshigi bolyp tabylady jáne muraǵa qaldyrylady», – dep jazylǵan qordyń jaýabynda.
