قارجى جانە تولەمدەر
زەينەتاقى قورىنداعى قاراجات: 14 مىڭعا جۋىق ادام كوزىن ەمدەتتى
بىرىڭعاي جيناقتاۋشى زەينەتاقى قورىنىڭ رەسمي سايتىندا تولەمدەردىڭ قايدا جۇمسالعانى جانە قانشا ادام ءوتىنىش بەرگەنى جايلى تولىق اقپارات جاريالاندى. ول جەردە 2021-2025 جىلعا دەيىن كورسەتىلگەن قىزمەت تۇرلەرى بار.
qazaqstan.tv. حابارلاعانداي, 2021 جىلدان بەرى زەينەتاقى قورىنداعى قاراجاتقا 620 مىڭعا جۋىق ادام ءتىسىن ەمدەتكەن. ال كوزىن ەمدەتۋگە ءوتىنىش بىلدىرگەندەردىڭ سانى 14 مىڭعا جۋىقتاعان.
بيىلدان باستاپ زەينەتاقى قورىنداعى شەكتىك مولشەردەن اسقان قاراجاتقا ءتىستى ەمدەتۋگە قاتىسى ءبىراز وزگەرىس ەنگىزىلەدى. ياعني بۇرىنعىداي بىردەن قاراجاتتى شوتقا اۋدارۋ دەگەن بولمايدى.
الدىمەن اقشانىڭ 70 پايىزى, قالعان 30 پايىزى ءتىس تولىق ەمدەلىپ بولعاننان كەيىن تولەنەدى. جانە ەمدەلۋشىلەر ءتىستىڭ ەمدەتۋگە دەيىنگى جانە كەيىنگى سۋرەتتەرىن دە ۇسىنۋعا مىندەتتەلەدى.
بارلىعى قاراجاتتىڭ ءتيىستى جۇمسالۋى ءۇشىن جاسالىپ جاتقان قادام, دەدى مينيسترلىك وكىلى.
«دەنساۋلىق ساقتاۋ مينيسترىلىگى 2024 جىلى تامىز ايىندا زەينەتاقى قورىنداعى اقشانى ءتىستى ەمدەۋگە پايدالانۋ بويىنشا بۇيرىققا بىرقاتار وزگەرىس ەنگىزدى. بۇگىنگى تاڭدا بۇيرىقتىڭ جوباسى ادىلەت مينيسترلىگىنە جىبەرىلەدى. ادىلەت مينيسترلىگى 15 كۇن قاراپ, سودان كەيىن كەلىسىلگەن جاعدايدا كۇشىنە ەنەدى.»گۇلنار سارسەنباەۆا, قر دەنساۋلىق ساقتاۋ مينيسترلىگى مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى
