Qarjy jáne tólemder
Zeınetaqy qoryndaǵy qarajat: 14 myńǵa jýyq adam kózin emdetti
Biryńǵaı jınaqtaýshy zeınetaqy qorynyń resmı saıtynda tólemderdiń qaıda jumsalǵany jáne qansha adam ótinish bergeni jaıly tolyq aqparat jarııalandy. Ol jerde 2021-2025 jylǵa deıin kórsetilgen qyzmet túrleri bar.
qazaqstan.tv. habarlaǵandaı, 2021 jyldan beri zeınetaqy qoryndaǵy qarajatqa 620 myńǵa jýyq adam tisin emdetken. Al kózin emdetýge ótinish bildirgenderdiń sany 14 myńǵa jýyqtaǵan.
Bıyldan bastap zeınetaqy qoryndaǵy shektik mólsherden asqan qarajatqa tisti emdetýge qatysy biraz ózgeris engiziledi. Iaǵnı burynǵydaı birden qarajatty shotqa aýdarý degen bolmaıdy.
Aldymen aqshanyń 70 paıyzy, qalǵan 30 paıyzy tis tolyq emdelip bolǵannan keıin tólenedi. Jáne emdelýshiler tistiń emdetýge deıingi jáne keıingi sýretterin de usynýǵa mindetteledi.
Barlyǵy qarajattyń tıisti jumsalýy úshin jasalyp jatqan qadam, dedi mınıstrlik ókili.
«Densaýlyq saqtaý mınıstriligi 2024 jyly tamyz aıynda zeınetaqy qoryndaǵy aqshany tisti emdeýge paıdalaný boıynsha buıryqqa birqatar ózgeris engizdi. Búgingi tańda buıryqtyń jobasy Ádilet mınıstrligine jiberiledi. Ádilet mınıstrligi 15 kún qarap, sodan keıin kelisilgen jaǵdaıda kúshine enedi.»Gúlnár Sársenbaeva, QR Densaýlyq saqtaý mınıstrligi medıınalyq kómekti uıymdastyrý departamentiniń dırektory
