جاڭالىقتار
زەينەتاقى جۇيەسىن جەتىلدىرۋ بويىنشا ۇسىنىستار قاراستىرىلدى
قر پرەمەر-ءمينيسترىنىڭ ورىنباسارى تامارا دۇيسەنوۆا قارجى سالاسىنىڭ ساراپشىلارىمەن كەزدەسىپ, زەينەتاقى جۇيەسىن جەتىلدىرۋ ماسەلەلەرىن تالقىلادى.
ساراپشىلار توبىنىڭ اتىنان ءسوز العان «قازاقستان حالقىنا» قوعامدىق الەۋمەتتىك قورىنىڭ باسقارما توراعاسى بولات جامىشەۆ وتاندىق زەينەتاقى جۇيەسى تۇراقتىلىعى مەن تولەم تاعايىنداۋداعى اشىقتىعى جاعىنان الەمدە الدىڭعى قاتارلى جۇيەلەردىڭ ءبىرى بولىپ سانالاتىنىن اتاپ ءوتتى. بولات جامىشەۆ جۇيەنى ودان ءارى جەتىلدىرۋگە قاتىستى ساراپشىلاردىڭ ۇسىنىستارىن ورتاعا سالدى.
ۇسىنىستار بازالىق زەينەتاقى, جۇمىس بەرۋشىلەر تاراپىنان اۋدارىلاتىن جارنالار, ءوزىن-ءوزى جۇمىسپەن قامتىعان ازاماتتار جيناعىنىڭ تيىمدىلىگىن انىقتاۋعا قاتىستى بولدى. سونداي-اق, قور اكتيۆتەرىن ۇتىمدى باسقارا وتىرىپ, سالىمداردىڭ تابىستىلىعىن ارتتىرۋ تۋرالى دا پىكىرلەر ايتىلدى.
تامارا دۇيسەنوۆا ساراپشىلارعا العىس ءبىلدىرىپ, زەينەتاقى جۇيەسىن جەتىلدىرۋ ماسەلەسىن بىرلەسە قاراستىرۋعا شاقىردى. ۆيتسە-پرەمەر بۇل ىسكە مۇددەلى مەملەكەتتىك ورگانداردىڭ بارلىعى وڭتايلى تاسىلدەردىى قاراستىرۋ جانە ەنگىزۋ پروتسەسىنە قوسىلاتىنىن اتاپ ءوتتى.
