Zeınetaqy júıesin jetildirý boıynsha usynystar qarastyryldy

QR Premer-Mınıstriniń orynbasary Tamara Dúısenova qarjy salasynyń sarapshylarymen kezdesip, zeınetaqy júıesin jetildirý máselelerin talqylady.
Sarapshylar tobynyń atynan sóz alǵan «Qazaqstan halqyna» qoǵamdyq áleýmettik qorynyń basqarma tóraǵasy Bolat Jámishev otandyq zeınetaqy júıesi turaqtylyǵy men tólem taǵaıyndaýdaǵy ashyqtyǵy jaǵynan álemde aldyńǵy qatarly júıelerdiń biri bolyp sanalatynyn atap ótti. Bolat Jámishev júıeni odan ári jetildirýge qatysty sarapshylardyń usynystaryn ortaǵa saldy.

Usynystar bazalyq zeınetaqy, jumys berýshiler tarapynan aýdarylatyn jarnalar, ózin-ózi jumyspen qamtyǵan azamattar jınaǵynyń tıimdiligin anyqtaýǵa qatysty boldy. Sondaı-aq, qor aktıvterin utymdy basqara otyryp, salymdardyń tabystylyǵyn arttyrý týraly da pikirler aıtyldy.

Tamara Dúısenova sarapshylarǵa alǵys bildirip, zeınetaqy júıesin jetildirý máselesin birlese qarastyrýǵa shaqyrdy. Vıe-premer bul iske múddeli memlekettik organdardyń barlyǵy ońtaıly tásilderdii qarastyrý jáne engizý proesine qosylatynyn atap ótti.