زەينوللا سانىكتىڭ 90 جىلدىعىنا وراي رەسپۋبليكالىق «ءسوز عۇمىر» بايقاۋى ءوتتى

فوتو: اشىق دەرەككوز

«شاكارىم ۋنيۆەرسيتەتى» مەن «زەينوللا سانىك اتىنداعى مادەنيەت قورى» كورنەكتى جازۋشى, تاريحشى, ەتنوگراف, فولكلورشى زەينوللا سانىكتىڭ 90 جىلدىق مەرەيتويىنا ارنالعان «ءسوز عۇمىر» اتتى رەسپۋبليكالىق بايقاۋ وتكىزدى, دەپ جازدى qandastar.kz

اۋقىمدى شىعارماشىلىق سايىسقا ەلىمىزدىڭ 12 جوعارى وقۋ ورنىنان 20 ستۋدەنت قاتىستى. بايقاۋدىڭ باستى ماقساتى – زەينوللا سانىكتىڭ شىعارماشىلىعىن ناسيحاتتاۋ, قازاق كوركەمسوز ونەرىندەگى ورنىن جاستارعا تانىتۋ, سونىمەن قاتار بولاشاق قالامگەرلەردىڭ شىعارماشىلىق الەۋەتىن شىڭداۋ, ادەبيەتكە قۇشتارلىعىن ارتتىرۋ بولدى.

بايقاۋ ءۇش كەزەڭنەن تۇردى:

«زەينوللا سانىك تاعىلىمى» اتتى ءمۇشايرا

زەينوللا سانىكتىڭ تاريحي شىعارمالارىنان كوركەمسوز وقۋ بايقاۋى

«ءسوز زەرگەرى زەينوللا سانىك» اتتى ەسسە بايقاۋى

جۇلدە يەگەرلەرى:

باس جۇلدە – 500 000 تەڭگە: م.قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ ستۋدەنتى قاليحانوۆا نۇراي

ءى ورىن – 350 000 تەڭگە: س.امانجولوۆ اتىنداعى شىعىس قازاقستان ۋنيۆەرسيتەتىنىڭ ستۋدەنتى سەكەنوۆ بەكارىس

ءىى ورىن – ارقايسىسىنا 150 000 تەڭگەدەن:

شاكارىم ۋنيۆەرسيتەتىنىڭ ماگيسترانتى ەجەنحان تالانت

قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتى — ورىنباي جاقسىگۇل

ءىىى ورىن – ارقايسىسىنا 75 000 تەڭگەدەن:

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى قۇرالوۆ نۇربول

ا.بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنىڭ ستۋدەنتى تالاپ نۇراي

ءا. مارعۇلان اتىنداعى پاۆلودار پەداگوگيكالىق ۋنيۆەرسيتەتىنىڭ ستۋدەنتى داۋرەنبەك ۇلى رامازان

سايىسقا قاتىسقان بارلىق ستۋدەنتتەر العىس حاتتارمەن جانە ىنتالاندىرۋ سىيلىقتارىمەن ماراپاتتالدى.

سونىمەن قاتار, ۋنيۆەرسيتەت قابىرعاسىندا «تابىستى تۇلعا ءدارىسى» ايدارى اياسىندا فيلولوگيا جوعارى مەكتەبى, قازاق فيلولوگياسى جانە جۋرناليستيكا كافەدراسىنىڭ ۇيىمداستىرۋىمەن ءۇش تانىمال عالىمنىڭ دارىستەرى ءوتتى:

ءومىرحان ءابديمان ۇلى – ف.ع.د., ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى
تاقىرىبى: « ۇلىلار ۇندەستىگى (اباي–احمەت)»

گۇلجاھان وردا – ف.ع.د., م.و. اۋەزوۆ اتىنداعى ادەبيەت جانە ونەر ينستيتۋتىنىڭ پروفەسسورى
تاقىرىبى: «سوعىس جىلدارىنداعى قازاق ادەبيەتى»

انارباي بۇلدىباي – ف.ع.ك., ءال-فارابي اتىنداعى قازاق ۇلتتىق ۋنيۆەرسيتەتىنىڭ عالىمى
تاقىرىبى: «سويلەي ءبىلۋ دە ونەر»

بۇل ءىس-شارالار قازاق ادەبيەتىن تەرەڭىرەك تانۋعا مۇمكىندىك بەرىپ, جاستاردىڭ شىعارماشىلىق ىزدەنىسىنە سەرپىن بەردى. زەينوللا سانىك مۇراسى – كەلەر ۇرپاققا رۋحاني باعدار, مادەني قۇندىلىقتىڭ التىن ارقاۋى رەتىندە جاڭعىرىپ كەلەدى.