Zeınolla Sániktiń 90 jyldyǵyna oraı respýblıkalyq «Sóz ǵumyr» baıqaýy ótti

Foto: ashyq derekkóz

«Shákárim ýnıversıteti» men «Zeınolla Sánik atyndaǵy mádenıet qory» kórnekti jazýshy, tarıhshy, etnograf, folklorshy Zeınolla Sániktiń 90 jyldyq mereıtoıyna arnalǵan «Sóz ǵumyr» atty respýblıkalyq baıqaý ótkizdi, dep jazdy qandastar.kz

Aýqymdy shyǵarmashylyq saıysqa elimizdiń 12 joǵary oqý ornynan 20 stýdent qatysty. Baıqaýdyń basty maqsaty – Zeınolla Sániktiń shyǵarmashylyǵyn nasıhattaý, qazaq kórkemsóz ónerindegi ornyn jastarǵa tanytý, sonymen qatar bolashaq qalamgerlerdiń shyǵarmashylyq áleýetin shyńdaý, ádebıetke qushtarlyǵyn arttyrý boldy.

Baıqaý úsh kezeńnen turdy:

«Zeınolla Sánik taǵylymy» atty músháıra

Zeınolla Sániktiń tarıhı shyǵarmalarynan kórkemsóz oqý baıqaýy

«Sóz zergeri Zeınolla Sánik» atty esse baıqaýy

Júlde ıegerleri:

Bas júlde – 500 000 teńge: M.Qozybaev atyndaǵy Soltústik Qazaqstan ýnıversıtetiniń stýdenti Qalıhanova Nuraı

I oryn – 350 000 teńge: S.Amanjolov atyndaǵy Shyǵys Qazaqstan ýnıversıtetiniń stýdenti Sekenov Bekarys

II oryn – árqaısysyna 150 000 teńgeden:

Shákárim ýnıversıtetiniń magıstranty Ejenhan Talant

Qazaq ulttyq qyzdar pedagogıkalyq ýnıversıtetiniń stýdenti — Orynbaı Jaqsygúl

III oryn – árqaısysyna 75 000 teńgeden:

L.N.Gýmılev atyndaǵy Eýrazııa ulttyq ýnıversıtetiniń stýdenti Quralov Nurbol

A.Baıtursynov atyndaǵy Qostanaı óńirlik ýnıversıtetiniń stýdenti Talap Nuraı

Á. Marǵulan atyndaǵy Pavlodar pedagogıkalyq ýnıversıtetiniń stýdenti Dáýrenbekuly Ramazan

Saıysqa qatysqan barlyq stýdentter Alǵys hattarmen jáne yntalandyrý syılyqtarymen marapattaldy.

Sonymen qatar, ýnıversıtet qabyrǵasynda «Tabysty tulǵa dárisi» aıdary aıasynda Fılologııa joǵary mektebi, Qazaq fılologııasy jáne jýrnalıstıka kafedrasynyń uıymdastyrýymen úsh tanymal ǵalymnyń dáristeri ótti:

О́mirhan Ábdımanuly – f.ǵ.d., Ál-Farabı atyndaǵy Qazaq ulttyq ýnıversıtetiniń professory
Taqyryby: «Ulylar úndestigi (Abaı–Ahmet)»

Gúljahan Orda – f.ǵ.d., M.O. Áýezov atyndaǵy Ádebıet jáne óner ınstıtýtynyń professory
Taqyryby: «Soǵys jyldaryndaǵy qazaq ádebıeti»

Anarbaı Buldybaı – f.ǵ.k., Ál-Farabı atyndaǵy Qazaq ulttyq ýnıversıtetiniń ǵalymy
Taqyryby: «Sóıleı bilý de óner»

Bul is-sharalar qazaq ádebıetin tereńirek tanýǵa múmkindik berip, jastardyń shyǵarmashylyq izdenisine serpin berdi. Zeınolla Sánik murasy – keler urpaqqa rýhanı baǵdar, mádenı qundylyqtyń altyn arqaýy retinde jańǵyryp keledi.