الەم جاڭالىقتارىجاڭالىقتار
زەلەنسكي مەن پۋتين تۇركيادا كەزدەسۋى مۇمكىن
ۋكراينا پرەزيدەنتى ۆلاديمير زەلەنسكي رەسەيمەن الداعى كەلىسسوزدەر قايدا ءوتۋى مۇمكىن ەكەنىن ايتتى, دەپ حابارلايدى Qandastar.kz
«وسى اپتادا تۇركيامەن, پارسى شىعاناعى ەلدەرىمەن, ەۋروپا ەلدەرىمەن سويلەسەمىز. بۇل مەملەكەتتەر رەسەيلىكتەرمەن كەلىسسوز جۇرگىزۋگە ارنالعان الاڭ بولۋى مۇمكىن. ءوز تاراپىمىزدان سوعىستى توقتاتۋعا بارىنشا دايىندالامىز», – دەدى زەلەنسكي.
ۋكراينا باسشىسى الداعى وقيعالاردىڭ قالاي بولاتىنى اقش سەكىلدى الپاۋىت ەل كوشباسشىلارىنىڭ ەرىك-جىگەرىنە بايلانىستى ەكەنىن باسا ايتتى.
«رەسەي شىنايى كەلىسسوزدەن جالتارعىسى كەلەتىنىن عانا بايقاتىپ وتىر. مۇنى كۇشتى سانكتسيالارمەن, تاريفتەرمەن عانا وزگەرتۋگە بولادى. ءبىز دە ءوز تاراپىمىزدان ىقپال ەتۋى مۇمكىن قادامداردى جاساپ جاتىرمىز», – دەدى ۋكراينا پرەزيدەنتى.
بۇعان دەيىن رەسەيدىڭ سىرتقى ىستەر ءمينيسترى سەرگەي لاۆروۆ NBC News ارناسىنا بەرگەن سۇحباتىندا كەلىسسوزدەر ىستانبۇلدا جالعاسۋى مۇمكىن ەكەنىن ايتقان بولاتىن.
