زەلەنسكي مەن ءپۋتيننىڭ كەزدەسۋى بولمايدى – گەرمانيا كانتسلەرى

فوتو: تاسس/IMAGO

گەرمانيا كانتسلەرى فريدريح مەرتس ۋكراينا پرەزيدەنتى ۆلاديمير زەلەنسكي مەن رەسەي پرەزيدەنتى ۆلاديمير ءپۋتيننىڭ اراسىندا كەلىسسوزدىڭ وتپەيتىنىن مالىمدەدى, دەپ جازدى qandastar.kz

بۇل تۋرالى Stan.kz اقپارات اگەنتتىگى DW Telegram ارناسىنا سىلتەمە جاساپ حابارلايدى.

فريدريح مەرتس ەكى ەلدىڭ پرەزيدەنتتەرى كەزدەسپەيتىنىن فرانتسيا پرەزيدەنتى ەممانۋەل ماكرونمەن كەزدەسۋدىڭ الدىندا بەزانسون قالاسىندا سويلەگەن سوزىندە ايتقان.

“گەرمانيا مەن فرانتسيا ۇكىمەتتەرى زەلەنسكي مەن ءپۋتيننىڭ كەزدەسۋى, وتكەن اپتادا ترامپ پەن پۋتين اراسىنداعى كەلىسىمگە قاراماستان, وتپەيتىنى ايقىن ەكەنىن ەسكەرە وتىرىپ, ۋكرايناداعى سوعىستى تالقىلايدى”, – دەدى گەرمانيا كانتسلەرى.

بۇعان دەيىن اقش پرەزيدەنتى دونالد ترامپ زەلەنسكي مەن پۋتين اراسىنداعى كەلىسسوزدەرگە قاتىستى كۇمانىن بىلدىرگەن ەدى. اق ءۇي باسشىسى بۇل كەزدەسۋدىڭ بولاتىنى-بولمايتىنى بەلگىسىز ەكەنىن ايتقان. ول ۋكرايناداعى سوعىستى اياقتاۋعا بولاتىنىنا سەنىم بىلدىرگەنىمەن, مۇنىڭ وڭايعا سوقپايتىنىن اتاپ ءوتتى.

اقش بۇقارالىق اقپارات قۇرالدارىنىڭ حابارلاۋىنشا, رەسەي باسشىسىنىڭ نەگە زەلەنسكيمەن كەزدەسكىسى كەلمەيتىنى تۋرالى سۇراققا ترامپ “پۋتينگە ول ۇنامايدى” دەپ جاۋاپ بەرگەن.

سونىمەن قاتار اقش پرەزيدەنتى ءوزى دە ۇناتپايتىن, كەزدەسۋ وتكىزگىسى كەلمەيتىن ادامدار بارىن, بىراق كەيدە ولارمەن جۇزدەسۋگە تۋرا كەلەتىنىن ايتتى.