زەلەنسكي ءپۋتيننىڭ شاقىرۋىنان باس تارتىپ, وعان كيەۆكە كەلۋدى ۇسىندى

كوللاج: Stan.kz

ۋكراينا پرەزيدەنتى ۆلاديمير زەلەنسكي ءپۋتيننىڭ ماسكەۋدە بەيبىت كەلىسسوزدەر جۇرگىزۋ تۋرالى ۇسىنىسىن قابىلداماي, ونى كيەۆكە شاقىردى, دەپ جازدى qandastar.kz

بۇل تۋرالى Stan.kz اقپارات اگەنتتىگى ABC News باسىلىمىنا سىلتەمە جاساپ حابارلايدى.

زەلەنسكي رەسەي پرەزيدەنتى پۋتينگە ۋكرايناعا كەلۋدى ۇسىندى.

«ول كيەۆكە كەلسە بولادى. قازىر سوعىس بولىپ جاتقاندا, كيەۆتەن ماسكەۋگە بارۋ ورىنسىز ءارى قولايسىز. ەگەر مەن دە وعان كيەۆكە مىندەتتى تۇردە كەلسىن دەسەم, ول دا ورىنسىز بولار ەدى», – دەدى ۋكراينا پرەزيدەنتى.

زەلەنسكيدىڭ پىكىرىنشە, پۋتين مۇنداي ۇسىنىستى كەزدەسۋدى كەيىنگە شەگەرۋ ءۇشىن جاساعان.

ۋكراينا پرەزيدەنتى ەل كۇن سايىن راكەتالىق سوققىلارعا جانە شابۋىلدارعا ۇشىراپ جاتقاندا ماسكەۋگە بارا المايتىنىن ايتتى. سونداي-اق ءپۋتيننىڭ مۇنى «تۇسىنەتىنىن» جەتكىزدى.

ايتا كەتەيىك, بۇعان دەيىن اقش پرەزيدەنتى دونالد ترامپ ءوزى, پۋتين جانە زەلەنسكي اراسىندا ۇشجاقتى كەزدەسۋ وتەتىنىن ايتقان ەدى. الايدە رەسەي مەن ۋكراينا پرەزيدەنتتەرىنىڭ جەكە كەزدەسۋ وتكىزەتىنىنە كۇمان كەلتىرگەن.