الەم جاڭالىقتارى
زەلەنسكي جەڭىس كۇنىنە وراي ءبىتىم جاريالاۋ تۋرالى ءپۋتيننىڭ ۇسىنىسىن قابىلدامادى
فوتو: AP Photo / Efrem Lukatsky
ۋكراينا پرەزيدەنتى ۆلاديمير زەلەنسكي رەسەي پرەزيدەنتى ۆلاديمير ءپۋتيننىڭ 9 مامىردا ءبىتىم ورناتۋ تۋرالى ۇسىنىسىن قابىلدامادى, دەپ جازادى qandastar.kz
بۇل تۋرالى Stan.kz اقپارات اگەنتتىگى حابارلايدى.
سونىمەن قاتار زەلەنسكي رەسەيدى 30 كۇنگە اتىستى توقتاتۋعا شاقىردى.
“نەگە اتىستى 30 كۇنگە توقتاتۋ كەرەك? سەبەبى ءۇش, بەس, جەتى كۇندە قانداي دا ءبىر كەلىسىمگە كەلۋ مۇمكىن ەمەس”, – دەدى زەلەنسكي جۋرناليستەرمەن كەزدەسۋ بارىسىندا.
ۋكراينا پرەزيدەنتى ءپۋتيننىڭ 9 مامىرعا وراي ءبىتىم جاريالاۋ جايلى ۇسىنىسىن “ۇلكەن تەاتر قويىلىمى” دەپ باعالادى.
ەسكە سالايىق, رەسەي پرەزيدەنتى ۆلاديمير پۋتين جەڭىستىڭ 80 جىلدىعىنا وراي ۋاقىتشا ءبىتىم جاريالاعانى تۋرالى حابارلاعان ەدىك. ءبىتىم 7 مامىردان 8 مامىرعا قاراعان تۇنى تۇنگى ون ەكىدەن 10 مامىردان 11 مامىرعا قاراعان ءتۇنى تۇنگى ون ەكىگە دەيىن كۇشىندە بولادى دەلىنگەن كرەمل حابارلاماسىندا.
