Zelenskıı Jeńis kúnine oraı bitim jarııalaý týraly Pýtınniń usynysyn qabyldamady

Foto: AP Photo / Efrem Lukatsky

Ýkraına prezıdenti Vladımır Zelenskıı Reseı prezıdenti Vladımır Pýtınniń 9 mamyrda bitim ornatý týraly usynysyn qabyldamady, dep jazady qandastar.kz

Bul týraly Stan.kz aqparat agenttigi habarlaıdy.

Sonymen qatar Zelenskıı Reseıdi 30 kúnge atysty toqtatýǵa shaqyrdy.

“Nege atysty 30 kúnge toqtatý kerek? Sebebi úsh, bes, jeti kúnde qandaı da bir kelisimge kelý múmkin emes”, – dedi Zelenskıı jýrnalıstermen kezdesý barysynda.

Ýkraına prezıdenti Pýtınniń 9 mamyrǵa oraı bitim jarııalaý jaıly usynysyn “úlken teatr qoıylymy” dep baǵalady.

Eske salaıyq, Reseı prezıdenti Vladımır Pýtın Jeńistiń 80 jyldyǵyna oraı ýaqytsha bitim  jarııalaǵany týraly habarlaǵan edik. Bitim 7 mamyrdan 8 mamyrǵa qaraǵan túni túngi on ekiden 10 mamyrdan 11 mamyrǵa qaraǵan túni túngi on ekige deıin kúshinde bolady delingen Kreml habarlamasynda.