Álem jańalyqtary
Zelenskııden hat aldym – Tramp
Foto: ashyq derekkóz
AQSh prezıdenti Donald Tramp Kongreste sóılegen sózinde Ýkraına máselesin aınalyp ótpedi, dep jazdy qandastar.kz
«Men Ýkraınadaǵy surapyl qaqtyǵysty toqtatý úshin úzdiksiz jumys istep kelemin. Mıllıondaǵan ýkraınalyq pen reseılik osy qaqtyǵysta qaza tapty, jaraqat aldy. Amerıka Qurama Shtattary Ýkraına qorǵanysyn qoldaýǵa júzdegen mıllıardtaǵan dollar baǵyttady. Bul ýaqytta, ókinishke qaraı, Eýropa Ýkraınanyń qorǵanysynyń ornyna Reseıdiń munaıy men gazy úshin odan da kóp qarajat jumsady», — dedi Tramp.
Ol Ýkraına prezıdenti Vladımır Zelenskııden hat alǵanyn aıtty. Sózinshe, onda Kıevtiń «kelissózder ústeline otyrýǵa daıyn ekeni» jáne «Ýkraınadan artyq eshkim beıbitshilikti qalamaıtyny» jazylǵan. Budan bólek Zelenskıı AQSh-qa qoldaý kórsetkeni úshin alǵys aıtyp, sırek mıneraldar týraly kelisimge qol qoıýǵa daıyn ekenin jetkizgen. Aq úı basshysy Reseımen de sóıleskenin, olar beıbitshilikke daıyn ekenin aıtty.
