Zelenskııden kúder úzýge áli erte: Drondar Pýtınniń «jeńis senarııin» ózgertýde

Ýkraınanyń qazirgi ahýaly buǵan deıingi kezeńderdiń kez kelgenimen salystyrǵanda anaǵurlym táýir. Áskerı jaǵdaı turaqtalyp, maıdan negizinen Donbass oblysy, Reseıdiń Belgorod, Kýrsk óńirine qaraı oıysýda, dep jazdy qandastar.kz

Eń qyzyǵy, sońǵy ýaqytta urystyń basym bóligi Ýkraına emes, Reseıdiń óz terrıtorııasynda ótýde. Buǵan deıin basqynshy rólin atqarǵan Kreml qazir qorǵanýshy pozıııasyna amalsyz kóshkendeı.

Ýkraına armııasy úshin mańyzdy kórsetkishtiń biri — adam shyǵyny shamamen 30 paıyzǵa azaıǵan. 

Munyń basty sebebi: drondar. Olar dushpannyń kózin joıyp, ýkraın sarbazdaryn aman saqtap qalýda.

Alǵy sheptegi avıaııa da kúsheıe tústi. «FAB» syndy qarýlar (qýatty áýe bombalary) bizde de bar ekenin bireý bilse, bireý bilmeýi múmkin. 

Áskerdi basqarý isi de jaqsaryp keledi: Syrskıı syndy bilikti qolbasshylardyń tájirıbesi mol, janynda Drapatyı tárizdi senimdi áriptesteri bar. Árıne, bul baǵyttaǵy áleýetimiz áli de arta túspek, kelesi besinshi jyly Qarýly Kúshterimiz burynǵydan da tıimdi áreket etedi degen senim zor.

Tramptyń Ýkraınaǵa qatysty ekiushty saıasaty bastapqyda ýkraın jaýyngerleriniń moraldyq jaǵdaıyna áser ete me degen alań bolǵan. Alaıda, ýkraındyq sarbazdar maıdandaǵy jaǵdaıdy sanaly túrde saralap, saıası alańdaǵy aýytqýlardan seskenbeıtinin dáleldedi. 

AQSh-tan qarý-jaraq áli de kelýde (Baıden ataǵa raqmet!), jaqyn ýaqytta Eýropadan da aýqymdy kómek keledi. Batys elderi «asarlatyp», Ýkraınaǵa qosymsha 15 mıllıard dollar bólmek. 

Ýkraınanyń tyldaǵy jaǵdaıy birqalypty. El ishinde jer astyndaǵy jańa áskerı zaýyttardyń qurylysy júrip jatyr. 

Áshkere telegram arnasy habarlaǵandaı, otandyq qorǵanys ónerkásibi kóz ilespes jyldamdyqpen damýda. Mysaly, ótken jyly 2 mıllıon dron óndirilse, bıyl bul kórsetkishti 4, tipti 4,5 mıllıonǵa jetkizý mejelenip otyr. 

Búginde elimizde dronnyń 100-ge tarta túri qurastyrylyp, jappaı qoldanysqa engizilgen. Ishinde jaýdyń barlaýshy drondaryn qaǵyp túsiretin arnaıy úlgileri de bar. Mundaıdy buryn tek ǵylymı fantastıkadan oqıtyn edik, Ýkraına sonyń bárin shynaıy ómirde júzege asyrýda.

Dıplomatııalyq maıdanda alǵashqyda Tramptyń saıası baǵyty Kıevti ábigerge salǵanymen, qazirgi tańda Ýkraına dıplomattary jańa ahýalǵa beıimdelip úlgerdi. Prezıdentimiz ben dıplomattarymyz Ýkraına múddesin berik qorǵap, beton qabyrǵadaı qalqan bolyp tur. 

Eger bir kelisimderge qol qoıatyn bolsaq ta, qajet kezinde oryndamaý quqymyz bar. Býdapesht memorandýmy bizge jaqsy sabaq boldy. 

Soǵys jalǵasýda, alda talaı asý bar. Alaıda Kıev óziniń pozıııasyn buryn-sońdy bolmaǵan deńgeıde berik ustaýda.

Pikir ıesi: Natalıa Iashın, jýrnalıst