Zertteý: Qazaqstanda Prezıdentke senim qandaı deńgeıde?

Foto: ashyq derekkóz

QR Prezıdenti janyndaǵy Qazaqstannyń strategııalyq zertteýler ınstıtýty aǵymdaǵy jyldyń 11 shildesi men 12 tamyzy aralyǵynda keń aýqymdy saýalnama ótkizdi. Oǵan 17 oblys pen Astana, Almaty, Shymkent qalalarynan 18 jastan asqan 8000 adam qatysty, dep jazdy qandastar.kz

Áleýmettik zertteý respondentterdiń Prezıdent ınstıtýtyna seniminiń zor ekenin kórsetti: azamattardyń 82,4% Qasym-Jomart Toqaevqa úlken qoldaý bildirip otyr.

Eń joǵary deńgeıde qoldaý kórsetip otyrǵandar – 18-29 jas aralyǵyndaǵy qazaqstandyqtar (90,3%). Odan keıingi oryndarda 30-45 jastaǵylar (82,4%), 46-60 jastaǵylar (78,6%) jáne 61 jastan asqandar (77,8%) tur.

Aýyl turǵyndarynyń senimi qala halqyna qaraǵanda sál joǵary (sáıkesinshe, 84,9% jáne 80,9%).

Tabys deńgeıi men jumyspen qamtylý erekshelikterine qaramastan, respondentterdiń senim deńgeıi birdeı dárejede.

Prezıdentke eń kóp qoldaý bildiretinder: bilim berý salasynyń qyzmetkerleri (89,6%), densaýlyq saqtaý mamandary (84,5%), memlekettik qyzmetshiler (87,1%), quqyq qorǵaý organdarynyń qyzmetkerleri (96,9%), aýyl sharýashylyq salasynyń ókilderi (86,2%), ǵylym (85,7%), mádenıet pen óner salasynyń mamandary (85,9%).

Zertteý qorytyndysy el arasynda Prezıdentke senimniń turaqty joǵary deńgeıde ekenin aıqyn kórsetti. Bul óz kezeginde júrgizilip jatqan memlekettik saıasattyń azamattar úshin tıimdiligin dáleldeıdi.