زەرتتەۋ: ونلاين پەتيتسيانىڭ وسال تۇستارى انىقتالدى

فوتو: informburo.kz

حاكەرلەردىڭ كەز كەلگەن ازاماتتىڭ حابارىنسىز جۇيەگە كىرىپ, قۇجاتقا قول قويۋىنا مۇمكىندىگى بار. بۇل كەمشىلىكتەردى كيبەرشابۋىلداردى تالداۋ جانە تەرگەۋ ورتالىعى انىقتادى, – دەپ جازادى qandastar.kz

ەڭ قىزىعى, ونلاين پەتيتسيا جۇيەسىندە دە جۇگەنسىزدىك بەلگىلى بولدى, مۇندا داۋىستى قولمەن “رەتتەۋگە” بولاتىن كورىنەدى.

كيبەرشابۋىلداردى تالداۋ جانە تەرگەۋ ورتالىعىنىڭ باسشىسى ولجاس ساتيەۆتىڭ ايتۋىنشا, ەتسق ارقىلى اۆتوريزاتسيانى جۇزەگە اسىراتىن جەكە سەرۆيستەردى ازىرلەۋشىلەر جۇيەلىك قاتەلىك جىبەرگەن. ەندى شابۋىلداۋشىلار كەز كەلگەن زاڭدى نەمەسە جەكە تۇلعانىڭ اتىمەن ەلەكتروندى كىلت ارقىلى جۇيەگە كىرىپ, قۇجاتقا “تاڭبا” باسا الادى.

«ءبىز تەرەڭ ءۇڭىلىپ, زەرتتەي باستاعاندا قازاقستاندا 40-تان استام رەسۋرس بار ەكەنىن بىلدىك, ونىڭ ىشىندە مەملەكەتتىك ورگانداردىڭ, جەكە رەسۋرستاردىڭ قۇجات اينالىمىنا قول قويۋ ءۇشىن كوپ جاعدايدا ەتسق قولداناتىنى انىقتالدى. بۇل جەردەگى ماسەلە سەرتيفيكاتتاۋ ورتالىعىنا قاتىستى ەمەس, قاۋىپسىزدىك اۋديتىنە بايلانىستى بولىپ تۇر», – دەيدى ول.

مۇنداي جايت قازاقستاندىقتاردى قولبايلاۋ كۇيگە تۇسىرەدى.سەبەبى حاكەرلەرگە ادامنىڭ جسن مەن جەكە دەرەكتەرىن ءبىلۋ جەتكىلىكتى. اتى ايقايلاپ تۇرعان ونلاين پەتيتسيا پورتالى دا سىر بەرەتىنى سىرتقا اقتارىلدى.

ال تسيفرلىق دامۋ مينيسترلىگى بۇل اعاتتىق اقپاراتتىق جۇيە يەلەرىنىڭ كىناسىنەن ەكەنىن ايتادى. اگەنتتىك تەك ەلەكتروندىق تسيفرلىق قولتاڭبانىڭ تۇپنۇسقالىعىن تەكسەرۋ فۋنكتسياسىن ەنگىزۋدى ۇسىنا الادى. ول بولماعان كۇننىڭ وزىندە بۇل ءۇشىن اكىمشىلىك جاۋاپكەرشىلىك قاراستىرىلماعان.

ماسەلە الداعى ۋاقىتتا جاڭا زاڭ جوباسىنىڭ نورماسىنا ەنۋى بەك مۇمكىن. ماماندار ايتپاقشى, قازىر ءبىز قاۋىپتىڭ بەل ورتاسىندامىز..