Jańalyqtar

«Jabaıy adamdardyń tili qazaq tilinde shyqqan»: Tarıhshy qundy derekpen bólisti (VIDEO)

«Qasqa Jol» YouTube arnasynyń kezekti qonaǵy tarıhshy Qoıshyǵara Salǵaruly boldy. Ǵylymı ortada tarıh ǵylymynyń tamyrshysy atalyp ketken ǵulama, qalamger áńgimelesý barysynda kóbi bile bermeıtin derekpen bólisti, — dep habarlaıdy Qandastar.kz

«Adamzat balasy túrkilerden jaratylǵan. Jabaıy adamdardyń alǵashqy tili túrki tilinde, onyń ishinde qazaq tilinde shyqqan. Bul tujyrymǵa bylaı qarasań, esi durys emes adamnyń áńgimesi nemese fantastıka sııaqty. О́ıtkeni bundaı áńgimeni buǵan deıin eshkim aıtpaǵan jáne aıqyn derek joq. Biraq oǵan negiz beretin tolyp jatqan faktor bar. Barlyǵyn aıtpaı-aq qoıaıyn, tek ózimniń kirisip, zertteýime sebep bolǵandy aıtaıyn. Logıkalyq qısynǵa sebep bolǵany 20 ǵasyrdyń aıaǵynda adamzat balasynyń tuqym-tek qoryn anyqtaıtyn DNQ tásili shyqqany. Bar nárse iz-tússiz ketpeıdi. Bir iz qalýy kerek. Eger genetıktardyń aıtyp júrgen tujyrymy durys bolsa, adamzat jaratylǵanda bir tilde sóıledi. Ol til qaı til? Sodan keıin Afrıkanyń, Ońtúsiktiń tarıhyn zertteý bastadym. Egıpettiń ejelgi tarıhyndaǵy jer-sý ataýlary túgel qazaq tilinde jazylǵan. Osylan soń buryn nazar aýdarmaǵan dúnıelerime zer sala bastadym», — dedi jazýshy.

Etnograftyń aıtýynsha, kóp Qudaılardyń ataýynda qazaqsha maǵyna bar.

«Grektiń kóp Qudaılary grektiki emes, olar Egıpettiń jabaıylarynyń Qudaıy degen bar. Biraq bizdiń sorymyzǵa qaraı ony eshkim aıtpaıdy. Enıklopedııalyq sózdik shyqty. Sol jerde grektiń Qudaılarynyń aty-jóni tekteýli. Bir ǵana mysal aıtaıyn. О́lgende tiriltetin Qudaıdyń aty —  Osorıs. Egıpettiń jabaıylarynda ol – О́sir. О́simdiktiń Qudaıyn grekter «Iseıda» dep atasa, Egıpettiń jabaıylary «Iset» dep ataıdy. Sol sııaqty ólgendi tiriltetin áıel Qudaı «Demetrııa» degen bar. Ol «dem ettir» degen maǵynada. Kavkazda bir halyq bar olar da «Demetr» deıdi. Ataýdyń maǵynasymen de, Qudaıdyń qyzmetimen de bári túrik tildi uǵymdy berip tur. Osydan keıin barlyǵy túrikshe sóılep turǵanyn kóresiń», — dep naqty mysalmen tarıhshy óz sózine dáıek keltirdi.

Ilmekter

Osy aıdarda

Dobavıt kommentarıı

Close