جاڭالىقتار
«جابىرلەنۋشىلەرمەن ءبىر جاقپىز»: شەرزات ىسىندە ادۆوكاتتار پروكۋروردى اۋىستىرۋدى سۇرادى
شەرزات بولاتتىڭ قازاسىنا بايلانىستى قوزعالعان قىلمىستىق ءىس بويىنشا سوتقا تارتىلعان توعىز ازاماتتان جاۋاپ الۋ پروتسەسى باستالدى, دەپ حابارلايدى qandastar.kz اقپاراتتىق پورتالى.
سوت وتىرىسىندا باستى سوتتالۋشىلاردىڭ ءبىرى دارحان اسكەنتايدان جاۋاپ الۋ كەزىندە قورعاۋ تاراپى پروكۋرور دانا سارسەنبايعا سەنىمسىزدىك ءبىلدىرىپ, ونى اۋىستىرۋ تۋرالى ءوتىنىش جاسادى.
ادۆوكاتتاردىڭ ءبىرى پروكۋروردىڭ جاۋاپ الۋ بارىسىندا ەموتسياعا ەرىك بەرىپ جاتقانىن العا تارتىپ, ءوتىنىشتى قولدادى. ال سوتتالۋشى اسكەنتايدىڭ اپكەسى پروكۋروردان مىسقىلسىز جانە سالماقتى سويلەۋدى وتىندى.
بىراق مەملەكەتتىك ايىپتاۋشى سارسەنباي بۇل قارسىلىقتىڭ زاڭدى نەگىزى جوق ەكەنىن مالىمدەدى.
«پروكۋرورعا قارسىلىق ءبىلدىرۋ ءۇشىن قىلمىستىق پروتسەستىك كودەكستىڭ 87 جانە 88-باپتارىندا ناقتى نەگىزدەر كورسەتىلگەن. قورعاۋ تاراپىنىڭ ايتقان ۋاجدەرى بۇل تالاپتارعا ساي كەلمەيدى. سوندىقتان ءوتىنىشتى قاناعاتتاندىرۋدان باس تارتۋدى سۇرايمىن», – دەدى ول.
سۋديا بۇل ماسەلە بويىنشا شەشىم قابىلداۋ ءۇشىن كەڭەسۋ بولمەسىنە كەتتى.
