«جادى مەن تامىرى جوق ماڭگۇرتتەر»: مۇحتار تۇمەنباي مايا بەكباەۆانى ايىپتادى

بەلگىلى جۋرناليست مۇحتار تۇمەنباي مەن مايا بەكباەۆا داۋلاسىپ قالدى, دەپ حابارلايدى  qandastar.kz سايتى.

مۇحتار تۇمەنباي الەۋمەتتىك جەلىدەگى پاراقشاسىندا مايا بەكباەۆانىڭ بەينەجازبالارىنا قاتىستى پىكىر ءبىلدىردى. تۇمەنبايدىڭ جازۋىنشا, ول قازاق ايەلدەرىن كەمسىتىپ پىكىر بىلدىرگەن. الاشورداشىلار تۋرالى بەينەروليكتە ولاردىڭ «ورىس ايەلدەرىن العانى» تالقىلانعان.

“بىرنەشە ۆيدەو ءتۇسىرىپ, قازاق تاريحى تۋرالى ايتىپ, ەندى قازاقتاردىڭ ارالاس نەكەلەرى تۋرالى پىكىر بىلدىرۋگە قۇقىعىڭ بار دەپ ويلايسىڭ با? سەن الاشورداشىلار وزدەرىنە تەڭ ايەلدەردى ىزدەدى دەيسىڭ. قازاق ايەلدەرى باسەكەگە قابىلەتسىز بولدى, بۇل تالاپتارعا ساي كەلمەدى دەيسىڭ.

ەدىل-اتيللا, كەرەي, جانىبەك, ابىلاي, كەنەسارىداي ەرلەردى دۇنيەگە اكەلىپ, تاربيەلەگەن كىم? ءيا, ولار شىڭعىس ۇرپاعى دەيسىڭ. جارايدى. ال بوگەنباي, قابانباي, تولە, قازىبەك, ايتەكە بيلەردى, ماحامبەت پەن يساتاي, سىرىم مەن كەيكىدەي باتىرلاردى كىم تاربيەلەدى? قۇرمانعازى, دينا, داۋلەتكەرەيدىڭ قۇلاعىنا كۇيدىڭ اۋەنىن كىم ءسىڭىردى? ال سەندەردىڭ ورىس كەلىندەرىڭ نە اكەلدى?

ايتايىن: ولار ءوز ءتىلىن, مادەنيەتىن, سالت-ءداستۇرىن بىلمەيتىن ۇرپاقتى قالىپتاستىردى. تەگى مەن تاريحى جوق حالىق. جادى مەن تامىرى جوق ماڭگۇرتتەر, – دەپ جازدى تۇمەنباي Facebook-تەگى پاراقشاسىنا.

ال مايا بەكباەۆا جۋرناليستكە بەرگەن جاۋابىندا بۇل ايىپتاۋلاردى جوققا شىعاردى.

«الاش كوسەمدەرىنىڭ تاڭداعان ايەلدەرى تۋرالى سول شىعارىلىمدا, ايتا كەتەيىن, بۇل بىرنەشە جىل بۇرىن جاريالانعان, سىزدەر سونشالىق اشۋلاناتىنداي سوزدەر ايتىلمادى. بۇل – قازىرگى قازاق قىزدارىنا, ولاردىڭ اتا-انالارىنا, اكەلەرىنە, اعالارىنا, كۇيەۋلەرىنە ارنالعان ۇندەۋىم ەدى. ءبىزدىڭ قوعامداعى قىز-كەلىنشەكتەرگە دەگەن سەكسيستىك جانە كەمسىتۋشى كوزقاراس – شىنايى ماسەلە. ماعان ارنالعان ءسىزدىڭ جازباڭىز – سونىڭ دالەلى. قازاق ايەلى ازاپ شەگىپ, قۇرمەتكە, وزىنە دەگەن تەڭ قۇقىق پەن مۇمكىندىكتەرگە لايىق. ءبىلىم الىپ, مانساپ قۇرۋعا, ماحابباتپەن تۇرمىس قۇرۋعا قۇقىعى بار. قازاق ايەلى مۇنداي قارىم-قاتىناسقا ەندى توزبەيدى. ءسىزدىڭ مەنى وسىلاي كەمسىتۋگە قانداي قۇقىعىڭىز بار? ءسىزدى كىم وسىلاي تاربيەلەدى?

ءسىز تۋرالى اقپارات وتە از, ءسىزدى كوپشىلىك بىلمەيدى. بىراق اتىڭىز تانىمال. ءسىزدى مۇحتار اۋەزوۆتىڭ قۇرمەتىنە اتاعان شىعار. مۇحتار ومارحان ۇلىنىڭ ىزىنەن وسى ەسىمدى يەلەنگەن كوپتەگەن ابىرويلى ازاماتتار ءوتتى. بىراق سىزگە قاراپ, مەنىڭ ەسىمە مۇلدە باسقا مۇحتار تۇسەدى»,— دەپ جازدى بەكباەۆا.