«Jady men tamyry joq máńgúrtter»: Muhtar Túmenbaı Maıa Bekbaevany aıyptady

Belgili jýrnalıst Muhtar Túmenbaı men Maııa Bekbaeva daýlasyp qaldy, dep habarlaıdy  qandastar.kz saıty.

Muhtar Túmenbaı áleýmettik jelidegi paraqshasynda Maııa Bekbaevanyń beınejazbalaryna qatysty pikir bildirdi. Túmenbaıdyń jazýynsha, ol qazaq áıelderin kemsitip pikir bildirgen. Alashordashylar týraly beınerolıkte olardyń «orys áıelderin alǵany» talqylanǵan.

“Birneshe vıdeo túsirip, qazaq tarıhy týraly aıtyp, endi qazaqtardyń aralas nekeleri týraly pikir bildirýge quqyǵyń bar dep oılaısyń ba? Sen alashordashylar ózderine teń áıelderdi izdedi deısiń. Qazaq áıelderi básekege qabiletsiz boldy, bul talaptarǵa saı kelmedi deısiń.

Edil-Atılla, Kereı, Jánibek, Abylaı, Kenesarydaı erlerdi dúnıege ákelip, tárbıelegen kim? Iá, olar Shyńǵys urpaǵy deısiń. Jaraıdy. Al Bógenbaı, Qabanbaı, Tóle, Qazybek, Áıteke bılerdi, Mahambet pen Isataı, Syrym men Keıkideı batyrlardy kim tárbıeledi? Qurmanǵazy, Dına, Dáýletkereıdiń qulaǵyna kúıdiń áýenin kim sińirdi? Al senderdiń orys kelinderiń ne ákeldi?

Aıtaıyn: olar óz tilin, mádenıetin, salt-dástúrin bilmeıtin urpaqty qalyptastyrdy. Tegi men tarıhy joq halyq. Jady men tamyry joq máńgúrtter, – dep jazdy Túmenbaı Facebook-tegi paraqshasyna.

Al Maııa Bekbaeva jýrnalıstke bergen jaýabynda bul aıyptaýlardy joqqa shyǵardy.

«Alash kósemderiniń tańdaǵan áıelderi týraly sol shyǵarylymda, aıta keteıin, bul birneshe jyl buryn jarııalanǵan, sizder sonshalyq ashýlanatyndaı sózder aıtylmady. Bul – qazirgi qazaq qyzdaryna, olardyń ata-analaryna, ákelerine, aǵalaryna, kúıeýlerine arnalǵan úndeýim edi. Bizdiń qoǵamdaǵy qyz-kelinshekterge degen seksıstik jáne kemsitýshi kózqaras – shynaıy másele. Maǵan arnalǵan sizdiń jazbańyz – sonyń dáleli. Qazaq áıeli azap shegip, qurmetke, ózine degen teń quqyq pen múmkindikterge laıyq. Bilim alyp, mansap qurýǵa, mahabbatpen turmys qurýǵa quqyǵy bar. Qazaq áıeli mundaı qarym-qatynasqa endi tózbeıdi. Sizdiń meni osylaı kemsitýge qandaı quqyǵyńyz bar? Sizdi kim osylaı tárbıeledi?

Siz týraly aqparat óte az, sizdi kópshilik bilmeıdi. Biraq atyńyz tanymal. Sizdi Muhtar Áýezovtiń qurmetine ataǵan shyǵar. Muhtar Omarhanulynyń izinen osy esimdi ıelengen kóptegen abyroıly azamattar ótti. Biraq sizge qarap, meniń esime múlde basqa Muhtar túsedi»,— dep jazdy Bekbaeva.