«Jaǵdaılary aýyr»: Qaraǵandy ferroqorytpa zaýytyda apat bolyp, 8 jumysshy jaraqat aldy

Foto: instagram.com/yddcorporation

Qaraǵandy ferroqorytpa zaýytynda tótenshe jaǵdaı bolyp, 8 jumysshysy ártúrli dárejede jaraqat aldy. Bul týraly Stan.kz aqparat agenttigi habarlaıdy.

Bul aqparat kásiporynnyń jelidegi paraqshasynda jarııalandy.

«20 shilde tańǵy saǵat 04:10-da YDD Corporation ferroqorytpa zaýytynda shtattan tys jaǵdaı boldy. № 1 peshten kenetten jalyn shyǵyp, saldarynan kásiporynnyń 8 jumysshysy ártúrli dárejede jaraqat aldy.

Qazirgi ýaqytta zardap shekken jumyskerlerdiń barlyǵy aýrýhanaǵa jetkizildi, olarǵa shuǵyl medıınalyq kómek kórsetilip jatyr. Kompanııa zardap shekkenderge jan-jaqty kómek kórsetip jatyr jáne aýrýhananyń medıınalyq qyzmetkerlerimen únemi baılanysta», – deıdi YDD Corporation ferroqorytpa zaýytynyń baspasóz qyzmeti ókilderi.

Densaýlyq saqtaý basqarmasy zardap shekkenderdiń jaǵdaıy týraly túsinikteme berdi.

«2024 jylǵy 20 shildede Professor H.J.Maqajanov atyndaǵy kópsalaly aýrýhanaǵa óndiriste alǵan kúıik jaraqattarymen ónerkásip kásipornynyń 8 qyzmetkeri jetkizildi. Zardap shekkenderdiń altaýy reanımaııa jáne qarqyndy terapııa bólimine, ekeýi kombýstologııa bólimine jatqyzyldy. Zardap shekken bes adamnyń jaǵdaıy óte aýyr, ekeýi aýyr, bir naýqas ortasha aýyr dep baǵalanady. Zardap shekkenderdi beıindi mamandar qarady. Qosymsha tekserýler júrgizildi. Paıentter tolyq kólemdi barlyq qajetti em alyp jatyr», – dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.

Atalǵan fakti boıynsha qylmystyq is qozǵaldy.

«Qaraǵandydaǵy ferroqorytpa zaýytynda bolǵan fakt boıynsha QR QK 156-babynyń 2-bóligi «Eńbekti qorǵaý erejelerin buzý nátıjesinde abaısyzda densaýlyqqa aýyr zııan keltirý» boıynsha qylmystyq is qozǵaldy. Qazirgi ýaqytta tergeý sharalary júrgizilip jatyr. Mán-jaılar anyqtalyp jatyr», – dep habarlady Qaraǵandy oblysy PD baspasóz qyzmeti.

Sonymen qatar bul jaǵdaıǵa baılanysty arnaıy komıssııa quryldy.

«Qaraǵandydaǵy ferroqorytpa zaýytynda bolǵan fakt boıynsha bolǵan oqıǵanyń sebebi men mán-jaıyn tekserý úshin Eńbek ınspekııasy komıssııa qurdy», – dep málimdedi Eńbek ınspekııasy basqarmasynyń baspasóz qyzmeti.

Qaraǵandydaǵy ferroqorytpa óndirisi YD Corporation JShS atymen tanylǵan. Oyń quryltaıshylary: Erlan Nyǵmatýlın, Jarmuhamed Appaz jáne Imperiyumcy Holdings Limited.