جاڭالىقتار
«جاعدايى اۋىر»: اقتاۋدا 5 جاسار قىز باسسەينگە قۇلاپ, جانساقتاۋ بولىمىنە ءتۇستى
اقتاۋدا 5 جاسار قىز باسسەينگە قۇلاپ جانساقتاۋ بولىمىندە جاتىر. وقيعا 15 شىلدە كۇنى دەمالىس بازالارىنىڭ بىرىندە بولعان, دەپ حابارلايدى Qandastar.kz.
ماڭعىستاۋلىق قۇتقارۋشىلاردىڭ حابارلاۋىنشا, بالا اتا-اناسىنىڭ قاراۋىنسىز قالىپ, ابايسىزدا تەرەڭدىگى 1,5 مەتر بولاتىن باسسەينگە قۇلاعان.
كەزەكشى قۇتقارۋشى ونىڭ سۋعا باتا باستاعانىن بايقاپ قالىپ, كومەككە بارعان. ول بالانى سۋدان الىپ شىعىپ, العاشقى مەديتسينالىق كومەك كورسەتكەن.
ءبۇلدىرشىن جانساقتاۋ بولىمىندە جاتىر. دارىگەرلەر بالانىڭ جاعدايىن اۋىر دەپ باعالاپ وتىر.
