جاڭالىقتار
جاقسىلىق ومار جاڭا قىزمەتكە تاعايىندالدى
فوتو: baq.kz
شىعىس قازاقستان وبلىسى اكىمىنىڭ ءبىرىنشى ورىنباسارى قىزمەتىنە وسكەمەننىڭ بۇرىنعى اكىمى جاقسىلىق ومار تاعايىندالدى, دەپ حابارلايدى qandastar.kz
“ول مەملەكەتتىك قىزمەتتەگى مانسابىن جالعاستىرىپ, ءوڭىردىڭ الەۋمەتتىك-ەكونوميكالىق دامۋىنا باسىمدىق بەرمەك. ءارتۇرلى سالادا جيناعان مول تاجىريبەسى شىعىس قازاقستاننىڭ ينفراقۇرىلىمىن جاڭعىرتۋعا جانە ينۆەستيتسيالىق احۋالىن جاقسارتۋعا وڭ ىقپال ەتەدى دەپ كۇتەمىز”, — دەلىنگەن حابارلامادا.
ايتا كەتەيىك, جاقسىلىق ومار قالا اكىمى بولىپ ۇزاق جىل قىزمەت ەتكەن كەزەڭدە بىرقاتار باستاماسىمەن كوزگە ءتۇستى. اتاپ ايتقاندا, وسكەمەن قالاسىنىڭ جول لوگيستيكاسىنا وڭ جاقتى بۇرىلىستار جۇيەسىن ەنگىزۋ, اۆتوبۋس پاركىن جاڭارتۋ جۇمىستارىن باستاۋ, بىرنەشە ونداعان جىلدا العاش رەت جاڭا ترامۆايلاردى اكەلۋ, سول جاعالاۋدا كەشەندى قۇرىلىس قاعيداتىمەن جاڭا شاعىناۋداندار سالۋ, تۇرعىندارمەن بىرلەسىپ جول جوندەۋ جوسپارلارىن جاساۋعا ارنالعان Telegram-بوت ەنگىزۋ, سونداي-اق ەرەكشە بالالارعا ارنالعان العاشقى مەملەكەتتىك ورتالىقتى ء«ۇلبى» ورتالىعى بازاسىندا اشۋ سىندى جوبالار جۇزەگە استى.
