«جاقىندارى مەن دوستارىنان اقشا سۇراعان»: ماڭعىستاۋدا بەتىنە وق ءتيىپ قازا بولعان ساربازدىڭ اناسى مالىمدەمە جاسادى

فوتو: ۆيدەودان سكرين

اقتاۋداعى «ويماشا» پوليگونىنىندا بەتىنەن وق ءتيىپ, قازا تاپقان سارباز مارات بارقۇلوۆ قايتىس بولار الدىندا جاقىندارى مەن دوستارىنان اقشا سۇراعان ەكەن. اتالعان جايتتى مارقۇمنىڭ اناسى ءاسيا بارقۇلوۆا ايتتى. بۇل تۋرالى qandastar.kz  Stan.kz اقپارات اگەنتتىگى حابارلايدى.

بلوگەر دامير كوشەەۆتىڭ Instagram پاراقشاسىندا ساربازدىڭ اناسى, اكەسى جانە دوستارى تۇسكەن ۆيدەو پايدا بولدى.

مارقۇمنىڭ اكەسى ەربول بارقۇلوۆتىڭ ايتۋىنشا, مارات باستاپقىدا اسكەرگە بارعىسى كەلمەگەن. الايدا ءبىر جىلدان كەيىن ول ويىنان اينىپ, وتان الدىنداعى بورىشىن وتەۋگە بەل بۋىپتى.

« ۇلىم وسى جىلى ءوز ەركىمەن اسكەر قاتارىنا اتتاندى. ول قازاقستاننىڭ تاڭداۋلى اسكەرلەرىنىڭ قاتارىنا قوسىلعانىن ماقتان ەتتى. تەڭىز جاياۋ اسكەرىنىڭ قاتارىنا قوسىلعانىنا قۋاندى», – دەيدى مارقۇمنىڭ اكەسى.

ماراتتىڭ اناسى ۇلىنان شىعىس قازاقستاندا قىزمەت ەتۋدى سۇراعانىن ايتتى. دەگەنمەن ول ءوز تاڭداۋ جاساعانىن ايتىپ, اناسىنان الاڭداماۋىن ءوتىنىپتى.

«ۇنەمى ءبارى جاقسى دەپ ايتاتىن. كوپ اقشا سۇرامايتىن, ءارى كەتسە ەكى مىڭ تەڭگە. سول كۇنى, بەيسەنبىدە (5 قىركۇيەك) ول قانداي دا ءبىر سەبەپتەرمەن اقشا جيناي باستادى. ەكى ساعاتتىڭ ىشىندە بارىنە قوڭىراۋ شالىپتى. اكەسى مەن اپكەسىنە بايلانىسىپتى. ماعان عانا حابارلاسپادى», – دەيدى ءاسيا بارقۇلوۆا.