«Jaqyndary men dostarynan aqsha suraǵan»: Mańǵystaýda betine oq tıip qaza bolǵan sarbazdyń anasy málimdeme jasady

Foto: vıdeodan skrın

Aqtaýdaǵy «Oımasha» polıgonynynda betinen oq tıip, qaza tapqan sarbaz Marat Barqulov qaıtys bolar aldynda jaqyndary men dostarynan aqsha suraǵan eken. Atalǵan jaıtty marqumnyń anasy Ásııa Barqulova aıtty. Bul týraly qandastar.kz  Stan.kz aqparat agenttigi habarlaıdy.

Bloger Damır Kósheevtiń Instagram paraqshasynda sarbazdyń anasy, ákesi jáne dostary túsken vıdeo paıda boldy.

Marqumnyń ákesi Erbol Barqulovtyń aıtýynsha, Marat bastapqyda áskerge barǵysy kelmegen. Alaıda bir jyldan keıin ol oıynan aınyp, Otan aldyndaǵy boryshyn óteýge bel býypty.

«Ulym osy jyly óz erkimen ásker qataryna attandy. Ol Qazaqstannyń tańdaýly áskerleriniń qataryna qosylǵanyn maqtan etti. Teńiz jaıaý áskeriniń qataryna qosylǵanyna qýandy», – deıdi marqumnyń ákesi.

Marattyń anasy ulynan Shyǵys Qazaqstanda qyzmet etýdi suraǵanyn aıtty. Degenmen ol óz tańdaý jasaǵanyn aıtyp, anasynan alańdamaýyn ótinipti.

«Únemi bári jaqsy dep aıtatyn. Kóp aqsha suramaıtyn, ári ketse eki myń teńge. Sol kúni, beısenbide (5 qyrkúıek) ol qandaı da bir sebeptermen aqsha jınaı bastady. Eki saǵattyń ishinde bárine qońyraý shalypty. Ákesi men ápkesine baılanysypty. Maǵan ǵana habarlaspady», – deıdi Ásııa Barqulova.