جاڭالىقتار
جاقىپ اسانوۆتىڭ ەكس-كەڭەسشىسى: بۇرىنعى سۋديا قارلىعاش تاتكەەۆاعا ىزدەۋ جاريالاندى
فوتو: qamqor.gov.kz/criminals
قازاقستان رەسپۋبليكاسى جوعارعى سوتىنىڭ بۇرىنعى كەڭەسشىسى جانە ەكس-سۋديا قارلىعاش تاتكەەۆاعا ىزدەۋ جاريالاندى, دەپ حابارلايدى qandastar.kz Orda.kz-كە سىلتەمە جاساپ.
قارلىعاش قۇرماشقىزى تاتكەەۆاعا 2025 جىلدىڭ 20 ماۋسىمىنان باستاپ ىزدەۋ سالىندى. ىزدەۋ قاراعاندى وبلىسىندا تىركەلگەن. ءىستى قاراعاندى وبلىسى بويىنشا سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى جۇرگىزىپ جاتىر.
ازىرگە بۇل جاعدايعا قاتىستى رەسمي ورىندار مالىمدەمە جاسامادى.
ول بۇعان دەيىن قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىندا, سونداي-اق, استانا قالالىق سوتىندا سۋديا قىزمەتىن اتقارعان. تاتكەەۆا ازاماتتىق ىستەر بويىنشا جوعارعى سوت توراعاسىنىڭ كەڭەسشىسى قىزمەتىن اتقارعان. بۇل قىزمەتتە ول ەلدىڭ باستى سوت ورگانى جاقىپ اسانوۆ باسشىلىقتا بولعان كەزدە ءجۇردى. قازىرگى ۋاقىتتا اسانوۆ – سەناتور.
