Jańalyqtar
Jaqyp Asanovtyń eks-keńesshisi: Burynǵy sýdıa Qarlyǵash Tátkeevaǵa izdeý jarııalandy
Foto: qamqor.gov.kz/criminals
Qazaqstan Respýblıkasy Joǵarǵy sotynyń burynǵy keńesshisi jáne eks-sýdıa Qarlyǵash Tátkeevaǵa izdeý jarııalandy, dep habarlaıdy qandastar.kz Orda.kz-ke silteme jasap.
Qarlyǵash Qurmashqyzy Tátkeevaǵa 2025 jyldyń 20 maýsymynan bastap izdeý salyndy. Izdeý Qaraǵandy oblysynda tirkelgen. Isti Qaraǵandy oblysy boıynsha Sybaılas jemqorlyqqa qarsy is-qımyl agenttiginiń departamenti júrgizip jatyr.
Ázirge bul jaǵdaıǵa qatysty resmı oryndar málimdeme jasamady.
Ol buǵan deıin Qaraǵandy oblysynyń Mamandandyrylǵan aýdanaralyq ekonomıkalyq sotynda, sondaı-aq, Astana qalalyq sotynda sýdıa qyzmetin atqarǵan. Tátkeeva azamattyq ister boıynsha Joǵarǵy Sot tóraǵasynyń keńesshisi qyzmetin atqarǵan. Bul qyzmette ol eldiń basty sot organy Jaqyp Asanov basshylyqta bolǵan kezde júrdi. Qazirgi ýaqytta Asanov – senator.
