“جالاقى 600 مىڭ بولسا دا, جۇمىس ىستەگىسى كەلەتىندەر از”: دەپۋتات كاسىپتىك-تەحنيكالىق ماماندار تاپشى ەكەنىن ايتتى

فوتو: pixabay.com

پارلامەنت سەناتىنىڭ دەپۋتاتى تالعات ءجۇنىسوۆ دەپۋتاتتىق ساۋالىندا تەحنيكالىق جانە كاسىپتىك ءبىلىم بەرۋ جۇيەسىندەگى كادر تاپشىلىعى پروبلەمالارىن جويۋ جانە مامانداردى دايارلاۋ ساپاسىن ارتتىرۋ قاجەتتىگىن ايتتى. بۇل تۋرالى qandastar.kz   Stan.kz اقپارات اگەنتتىگىنە سىلتەمە جاساپ حابارلايدى.

سەناتورلار قاراعاندى, اباي, اقمولا وبلىستارىن جانە استانا قالاسيانداعى ءبىلىم بەرۋ سالاسىنداعى بىرنەشە كاسىپورىندار مەن مەكەمەلەرگە بارىپ, تەحنيكالىق جانە كاسىبي ءبىلىم بەرۋ جۇيەسىندەگى كادرلىك قامتاماسسىز ەتۋ ماسەلەلەرىمەن تانىسقان. ءجۇنىسوۆتىڭ سوزىنشە, ەلىمىزدە كاسىپتىك-تەحنيكالىق ماماندار تاپشى.

«قازىرگى تاڭدا ەلىمىزدەگى 772 كوللەدجدە 565 مىڭ ستۋدەنت ءبىلىم الىپ جاتىر. وعان قوسا كاسىبي كۆاليفيكاتسيا بويىنشا 252 مىڭ. اقپاراتقا سايكەس جىلۋ ەنەرگەتيكاسى, سۋ رەسۋرستارى, تاۋ-كەن ءىسى, اۋىلشارۋشىلىعى, بالىقشارۋاشىلىعى ءتىپتى اۆياتسيا سالاسىندا دا مامان تاپشىلىعى بار. قۇرلىسشىلار, اسپازدار, تىگىنشىلەر جەتىسپەيدى. كاسىبي بىلىكتى جۇمىسشىلاردىڭ – توكارلاردىڭ, فرەزەرلەردىڭ, سلەسارلاردىڭ تاپشىلىعى كۇردەلى ماسەلەگە اينالىپ وتىر. جالاقى 600 مىڭعا دەيىن جەتەدى, بىراق جۇمىس ىستەۋگە ىنتالى ادامدار از. كاسىپتىك ءبىلىمى بار ماماندارعا سۇرانىس جوعارى وقۋ ورىندارىنىڭ تۇلەكتەرىنە قاراعاندا 70 پايىزعا جوعارى. ورتا كاسiپتiك بiلiم بەرۋ جۇيەسiندە كادرلاردى دايارلاۋدىڭ ەڭبەك نارىعىنىڭ قازiرگi تالاپتارعا سايكەس كەلمەۋi ماسەلەسiمەن بەتپە-بەت كەلگەنi بەلگiلi بولدى», — دەدi ءجۇنiسوۆ.