Jalaqydan ustalatyn salyq azaıady: bul ózgeris kimderge qatysty bolmaq

Jańa Salyq kodeksi qyzmettiń ártúrli salasyna ózgerister engizedi. Olar sondaı-aq qazaqstandyqtardyń jalaqysyndaǵy salyq bazasynyń kólemin azaıtý máselesin de qozǵaıdy,-dep habarlaıdy Qandastar.kz

Qazaqstanda jańa Salyq kodeksiniń jobasy qyzý talqylanýda. Kóptegen jańashyldyqtarynyń arasynda ol azamattardyń jalaqysynan jeke tabys salyǵyn (JTS) ustaý máselelerin de qarastyrady.

Ekonomıka mınıstrliginiń Telegram-daǵy arnasynyń habarlaýynsha, endi tabysy tómen qazaqstandyqtar jeke tabys salyǵynan bosatylady. Qandaı ózgerister bolady Derekkózde atap ótilgendeı, qoldanystaǵy standarttarǵa sáıkes, jalaqy salyǵyn esepteý kezinde 14 AEK mólsherinde shegerim qoldanylady (2024 jyly 51 688 teńge). Bul JTS ustalmaıtyn soma. Iaǵnı salyq jalaqynyń 14 AEK – zeınetaqy jarnalary, medıınalyq saqtandyrý jáne t.b. shegerilgennen keıin qalǵan bóliginen alynady da, bul soma 30 AEK (110 760 teńge) deıin ulǵaıtylady. Osylaısha jalaqynyń salyq salynbaıtyn bóligi ulǵaıady.