جالاقىسى 200 مىڭ تەڭگە, ال نەسيەسى ەكى ەسە كوپ: سوت بانكتەردى قازاقستاندىق كوپبالالى اناعا كومەكتەسۋگە مىندەتتەدى

تارازدىق ايەل تۇتىنۋشىلىق نەسيە بويىنشا بەس بانككە 6 ميلليون تەڭگەدەن استام قارىز بولعان, دەپ حابارلايدى Qandastar.kz.

Stan.kz اقپارات اگەنتتىگىنىڭ مالىمەتىنشە, ايەل بالالاردىڭ اكەسىمەن رەسمي نەكەدە ەمەس, جشس-دە وپەراتور بولىپ جۇمىس ىستەيدى جانە 220 مىڭ تەڭگە جالاقى الادى.

ال ونىڭ اي سايىنعى نەسيە بويىنشا تولەمدەرى 395 مىڭ تەڭگە بولىپ, تابىسىنان ەداۋىر اسىپ تۇسكەن. سونىمەن قاتار ول وتباسى شىعىندارىن تولەيدى.

ءتورت بالانىڭ اناسى سوتقا جۇگىنىپ, تولەم قابىلەتتىلىگىن قالپىنا كەلتىرۋدى سۇراعان.

ول نەسيەلىك جۇكتەمەنىڭ شامادان تىس ەكەنىن كورسەتىپ, اي سايىنعى تولەمدەردى ازايتا وتىرىپ, قارىزدى وتەۋ مەرزىمىن 60 ايعا دەيىن ۇزارتۋدى سۇراعان. بەس كرەديتوردىڭ تورتەۋى تالاپتى قاناعاتتاندىرۋعا قارسى بولعان.

“تاراز قالالىق سوتى تالاپ قويۋشىنىڭ ۋاجدەرى ءىس ماتەريالدارىمەن تولىقتاي راستالعان, ونىڭ ارەكەتىندە ارام پيعىلدىڭ بەلگىلەرى جوق دەگەن قورىتىندىعا كەلگەن.  سوت تالاپ قويۋدى قاناعاتتاندىرىپ, تولەم قابىلەتتىلىگىن قالپىنا كەلتىرۋ ءتارتىبىن قولداندى, وعان سايكەس قارىز 5 جىل بويى اي سايىن وتەلەدى”, – دەپ مالىمدەدى سوت.

سوت شەشىمىنە ەكى كرەديتور بانك شاعىم تۇسىرگەن. الايدا جامبىل وبلىستىق سوتى شەشىمدى وزگەرىسسىز قالدىردى. سوت اكتىلەرى زاڭدى كۇشىنە ەندى.