Jalaqysy 200 myń teńge, al nesıesi eki ese kóp: Sot bankterdi qazaqstandyq kópbalaly anaǵa kómektesýge mindettedi

Tarazdyq áıel tutynýshylyq nesıe boıynsha bes bankke 6 mıllıon teńgeden astam qaryz bolǵan, dep habarlaıdy Qandastar.kz.

Stan.kz aqparat agenttiginiń málimetinshe, áıel balalardyń ákesimen resmı nekede emes, JShS-de operator bolyp jumys isteıdi jáne 220 myń teńge jalaqy alady.

Al onyń aı saıynǵy nesıe boıynsha tólemderi 395 myń teńge bolyp, tabysynan edáýir asyp túsken. Sonymen qatar ol otbasy shyǵyndaryn tóleıdi.

Tórt balanyń anasy sotqa júginip, tólem qabilettiligin qalpyna keltirýdi suraǵan.

Ol nesıelik júktemeniń shamadan tys ekenin kórsetip, aı saıynǵy tólemderdi azaıta otyryp, qaryzdy óteý merzimin 60 aıǵa deıin uzartýdy suraǵan. Bes kredıtordyń tórteýi talapty qanaǵattandyrýǵa qarsy bolǵan.

“Taraz qalalyq soty talap qoıýshynyń ýájderi is materıaldarymen tolyqtaı rastalǵan, onyń áreketinde aram pıǵyldyń belgileri joq degen qorytyndyǵa kelgen.  Sot talap qoıýdy qanaǵattandyryp, tólem qabilettiligin qalpyna keltirý tártibin qoldandy, oǵan sáıkes qaryz 5 jyl boıy aı saıyn óteledi”, – dep málimdedi sot.

Sot sheshimine eki kredıtor bank shaǵym túsirgen. Alaıda Jambyl oblystyq soty sheshimdi ózgerissiz qaldyrdy. Sot aktileri zańdy kúshine endi.