«Jalaqysy 40 myń teńge»: Tórt balasy bar poshtashyǵa ákimdikte saýda jasaýǵa ruqsat bergeni úshin jazalanǵan ákim mán-jaıdy túsindirdi

Botagóz Sabırova. Foto: gov.kz

Soltústik Qazaqstan oblysynda kópbalaly poshtashy áıelge ákimdik ǵımaratynda shulyq satýǵa ruqsat bergen aýyldyq okrýg ákimi tártiptik jaýapkershilikke tartyldy. Ákim Botagóz Sabırova mán-jaıdy aıtyp berdi, dep jazdy qandastar.kz

Bul týraly Stan.kz aqparat agenttigi Tengrinews.kzsaıtyna silteme jasap habarlaıdy.

Jergilikti prokýratýranyń málimetinshe, poshtashy áıel balalar kıimderin, shulyqtaryn jáne ish kıimderin dál Bostandyq aýyly ákimdiginiń ǵımaratynda satqan. Buǵan qosa ákimdik ǵımaratynda kitaphana, ýchaskelik polıııa qyzmetkeriniń, mal dárigeri men poshtashynyń kabınetteri ornalasqan. Ákimshilik ǵımaratta saýda jasaý zań buzýshylyq dep tanyldy. Soltústik Qazaqstan oblysy boıynsha ádep jónindegi keńes hatshylyǵy otyrysynyń qorytyndysy boıynsha ákimge eskertý berildi. Al ákimdikte saýda jasaǵan kópbalaly ana ákimshilik jaýapkershilikke tartylyp, 58 980 teńge aıyppul arqalaǵan.

«Meniń bilýimshe, «Qazposhtada» poshtashynyń jalaqy mólsherlemesi 0,25 boldy, ıaǵnı aıyna 40 myń teńge. Mundaı aqshaǵa ómir súrý óte qıyn. Onyń tórt balasy bar, olardy tamaqtandyrý ońaı emes. О́zim de jalǵyzbasty anamyn, úsh bala tárbıelep otyrmyn. Onyń jaǵdaıyn jaqsy túsinemin. Poshtashynyń kúıeýi mehanızator bolyp jumys isteıdi. Qazir ol 49 jasta», – dedi Aqjar aýdany Kishiqaroı aýyldyq okrýgi ákimi Botagóz Sabırova.

Ol eki aýylda 750 adam turatynyn aıtyp ótti.

«Barlyǵyn tanımyn. Ákim bolyp jumys istegenime alty aı ǵana boldy. Poshtashy endi ǵımaratta saýda jasamaıdy, biz oǵan kómektesýdiń zańdy joldaryn qarastyramyz. Meniń jumysym – adamdarǵa qamqorlyq jasaý, olardyń máselelerin bilý», – dedi ol.

Botagóz Sabırovanyń ózi úsh bala tárbıelep otyr: bir ul, eki qyzy bar. Olardyń barlyǵy Bostandyq aýylyndaǵy jergilikti mektepte oqıdy. Kúıeýinen 8 jyl buryn ajyrasyp ketken.

Eske salsaq, buǵan deıin SQO-da aýyldyq okrýgtiń ákimi poshtashy bolyp jumys isteıtin kópbalaly áıelge ákimdik ǵımaratynda ishkıim men shulyq satýǵa ruqsat bergeni úshin tártiptik jaýapkershilikke tartylǵanyn jazǵan edik.