Jańalyqtar
Jalaqysy – 500-700 myń teńge: mınıstr mamandardy jumysqa shaqyrdy
Foto: ashyq derekkóz
Kólik mınıstri Marat Qarabaev premer-mınıstrden 500 sheteldik jumysshynyń kvotasyn rettep berýdi surady. Biraq olardyń jumysyn otandyq mamandar da isteı alady, dep habarlaıdy Sputnik Qazaqstan tilshisi.
Mınıstrdiń aıtýynsha, qazirgi kezde jol jóndeý salasynda maman tapshylyǵy bar. Atap aıtqanda, avtogreıder nemese asfalt tóseýshi tehnıkany júrgizetin operatorlar qajet.
«Ondaı operatorlar bolsa kez kelgen ýaqytta jumysqa alýǵa daıynbyz. Qaı elde tıisti maman bar, sol elderden tartylady. Mysaly, operatorlar Qytaı elinen, Armenııadan nemese Túrkııadan tartylýy múmkin», – dedi Qarabaev.
Alaıda ondaı mamandar óz elimizden tabylsa, jumysqa emin-erkin tura alady.
«Bar bolsa, sizder de jarııalap, kómektesińizder. Barsyn, jalaqysy da jaqsy. Jumysqa qabyldaýǵa daıyn. Jalaqysy ár kompanııada ártúrli. Mysaly, jaqsy bilikti operatorlar 400 myń teńgeden astam alady, keıbireýleri 700 myń tkńgege deıin alady. Odan da kóp alatyndar bar», – dep atap kórsetti kólik mınıstri.
