جالاڭاش كۇيدە فوتوعا ءتۇسىرىپ, تاراتىپ جىبەردى: دانا نۇرجىگىت ەكس-كۇيەۋى تۋرالى سۇمدىق دەرەكتى باياندادى

فوتو: اشىق دەرەككوز

جۋرناليست, مەديا-مامان دانا نۇرجىگىت ەكس-كۇيەۋىنىڭ نە ءۇشىن ءۇش جىلعا سوتتالعانىن بايانداپ بەردى, دەپ حابارلايدى qandastar.kz Alash.kz ۇلتتىق پورتالىنا سىلتەمە جاساپ.

بۇل تۋرالى ول دينارا ساتجانعا بەرگەن سۇحباتىندا جاريا قىلدى.

“2019 جىل مەن 2022 جىل ارالىعىندا عانا نەكەدە بولدىق. بىراق اجىراسقان سوڭ دا ونىڭ قيتۇرقى ارەكەتتەرى توقتاعان جوق. مەنى اڭدۋدى شىعاردى. كۇن دەمەي, ءتۇن دەمەي قوڭىراۋ شالاتىن. باسسەيندە ءجۇزىپ ءجۇرىپ باسىمدى كوتەرسەم, الدىمدا تۇرادى. جۇمىستان شىقسام, كولىگىمنىڭ جانىندا كۇتىپ تۇردى, دارىگەرگە جازىلسام, سول جەردە جۇرەدى, ءتىپتى وسى جايتتاردىڭ بارىنەن سوڭ دەنساۋلىعىم ناشارلاپ, پروتسەدۋرادا جاتقانىمدا, سول جەرگە كىرىپ كەلدى. كوشەدە كەتىپ بارا جاتسام, «كىممەن سويلەسىپ بارا جاتسىڭ, ءبىز تۋرالى ايتىپ جاتسىڭ با?» دەپ قوڭىراۋ شالاتىن. شىنى كەرەك, الاڭداماي جۇرە المايتىن كۇيگە جەتتىم, قۇددى بىرەۋ ۇنەمى اڭدىپ تۇراتىنداي كورىنەتىن. مىنە, 2022 جىلدىڭ ەكىنشى جارتىسى مەن 2023 جىلدى وسى كۇيدە وتكىزدىم. 2024 جىلعى 13 ماۋسىمدا سوت ۇكىمى كۇشىنە ەندى” – دەدى جۋرناليست.

“بۇل جاعداي مەنى سۇيىكتى ماماندىعىمنان دا, دەنساۋلىعىمنان دا ايىردى. ەفيرگە شىعا الماي قالدىم, قاتتى كۇيزەلدىم, رەنجىدىم. دەنساۋلىعىم مەن مورالدىق جانە قارجىلىق شىعىندارىمدى قالپىنا كەلتىرۋ ءۇشىن ۇزاق ۋاقىت كەرەك بولدى. ماعان وسى تاقىرىپتا ايتۋ قيىن. بىراق تولىق بايانداپ بەرۋدى ەندى ۇيرەنىپ جاتىرمىن. بار كۇشىم تەك وسى پروتسەسكە جۇمسالعان ەدى», – دەيدى دانا نۇرجىگىت.

مەديا مامان ەكس-كۇيەۋىن ينتيم فوتو-ۆيدەولاردى تۇسىرگەنى ءۇشىن قىلمىستىق كودەكستىڭ 147-بابى بويىنشا ءۇش جىلعا سوتتاتىپ جىبەردى.

دانا نۇرجىگىت ستالكينگكە بايلانىستى ارنايى زاڭ جوباسىن ەڭگىزۋدى تالاپ ەتىپ وتىر. بۇل تۋرالى ول ءوز پاراقشاسىندا جازدى.

«مەن ستالكينگكە, كيبەرستالكينگە قارسى كۇرەستى توقتاتپايمىن. قىلمىستىق كودەكستە ارنايى باپ بولۋىن تالاپ ەتەمىن! كەشە عانا ءىىم, سەناتقا دەپۋتات بولىپ بارعان مارات شادەتحان ۇلى قوجاەۆ مىرزانىڭ نازارىنا, ءماجىلىس دەپۋتاتتارىنىڭ نازارىنا! بۇل ادام قۇقىعى ماسەلەسى. قاۋىپسىزدىك ماسەلەسى. جەكە مالىمەتتەردىڭ تارالماۋى, ال قولدى بولعان جاعدايدا قىلمىسكەردىڭ شوقپارىنا اينالماۋى زاڭمەن رەتتەلەۋى كەرەك!», – دەپ جازدى اقپارات سالاسىنىڭ وكىلى.