Jalańash kúıde fotoǵa túsirip, taratyp jiberdi: Dana Nurjigit eks-kúıeýi týraly sumdyq derekti baıandady

Foto: ashyq derekkóz

Jýrnalıst, medıa-maman Dana Nurjigit eks-kúıeýiniń ne úshin úsh jylǵa sottalǵanyn baıandap berdi, dep habarlaıdy qandastar.kz Alash.kz ulttyq portalyna silteme jasap.

Bul týraly ol Dınara Sátjanǵa bergen suhbatynda jarııa qyldy.

“2019 jyl men 2022 jyl aralyǵynda ǵana nekede boldyq. Biraq ajyrasqan soń da onyń qıturqy áreketteri toqtaǵan joq. Meni ańdýdy shyǵardy. Kún demeı, tún demeı qońyraý shalatyn. Basseınde júzip júrip basymdy kótersem, aldymda turady. Jumystan shyqsam, kóligimniń janynda kútip turdy, dárigerge jazylsam, sol jerde júredi, tipti osy jaıttardyń bárinen soń densaýlyǵym nasharlap, proedýrada jatqanymda, sol jerge kirip keldi. Kóshede ketip bara jatsam, «kimmen sóılesip bara jatsyń, biz týraly aıtyp jatsyń ba?» dep qońyraý shalatyn. Shyny kerek, alańdamaı júre almaıtyn kúıge jettim, quddy bireý únemi ańdyp turatyndaı kórinetin. Mine, 2022 jyldyń ekinshi jartysy men 2023 jyldy osy kúıde ótkizdim. 2024 jylǵy 13 maýsymda sot úkimi kúshine endi” – dedi jýrnalıst.

“Bul jaǵdaı meni súıikti mamandyǵymnan da, densaýlyǵymnan da aıyrdy. Efırge shyǵa almaı qaldym, qatty kúızeldim, renjidim. Densaýlyǵym men moraldyq jáne qarjylyq shyǵyndarymdy qalpyna keltirý úshin uzaq ýaqyt kerek boldy. Maǵan osy taqyrypta aıtý qıyn. Biraq tolyq baıandap berýdi endi úırenip jatyrmyn. Bar kúshim tek osy proeske jumsalǵan edi», – deıdi Dana Nurjigit.

Medıa maman eks-kúıeýin ıntım foto-vıdeolardy túsirgeni úshin Qylmystyq kodekstiń 147-baby boıynsha úsh jylǵa sottatyp jiberdi.

Dana Nurjigit stalkıngke baılanysty arnaıy zań jobasyn eńgizýdi talap etip otyr. Bul týraly ol óz paraqshasynda jazdy.

«Men stalkıngke, kıberstalkınge qarsy kúresti toqtatpaımyn. Qylmystyq kodekste arnaıy bap bolýyn talap etemin! Keshe ǵana IIM, senatqa depýtat bolyp barǵan Marat Shádethanuly Qojaev myrzanyń nazaryna, májilis depýtattarynyń nazaryna! Bul adam quqyǵy máselesi. Qaýipsizdik máselesi. Jeke málimetterdiń taralmaýy, al qoldy bolǵan jaǵdaıda qylmyskerdiń shoqparyna aınalmaýy zańmen retteleýi kerek!», – dep jazdy aqparat salasynyń ókili.