«Жалаңаш суретіңді күйеуіңе көрсетемін»: Алматыдағы жарты жылдық секс-құлдық

Алты ай жыныстық зорлық-зомбылық көрген және бопсалаудан қорыққан әйел 2025 жылдың 6 наурызында ақыры өзін азаптаған адамға арыз жазды. Полиция оны сол күні дереу ұстады. Алайда сот кепілмен оны бірнеше күн бұрын күдіктіні босатты. Енді жәбірленуші өз өміріне қауіп төнгенін айтып отыр, деп жазады qandastar.kz

Orda.kz тілшісі қорлық көрген әйелмен тілдесті.

(Тілшіміз күдіктіге де қоңырау шалды).

Қорқақтық па, әлде аңғалдық па?

Orda.kz редакциясына жаға ұстатарлық жағдайын айтып, бір қыз хабарласты. Еркін өмір сүріп жүрген, күйеуі мен баласы бар әйел кездейсоқ өзінің танысының жыныстық қызмет көрсететін құлына айналды.

Оның айтуынша мұның бәрі әдеттегі жұмыс күнінен басталды. Біздің кейіпкеріміз бизнеспен айналысады. «Көк базарда» өз дүкені бар. Тауарын «Кенжехан» деген көтерме базарынан алады, көпшілік сияқты таксимен жүреді. Бір күні такси жүргізушісінің бірімен әңгімелесіп қалды. Ол тұрақты түрде такси болып қызмет көрсетуге ұсыныс жасады. Әуелі бұл жақсы ұсыныс сияқты көрінді. Таксистке де жақсы, тұрақты жолаушысы болады, оған да ыңғайлы, қайта-қайта іздеп жүрмейді. Олар бір-бірінің телефон нөмірін алып, келісімге келеді.

Алайда, уақыт өте келе тауар тасымалдап жүрген бұл адам шектен тыс қылықтар көрсете бастады. Оның сөзіне қарағанда бір сапар барысында ол ерсі қылық танытып, қыздың аяғына, кеудесіне қолын жүгіртіп, оның жеке шекарасын бұзған.

«Қорыққанымнан көліктен шыға алмадым, өйткені салонда менің заттарым лық толып тұрған еді. Бірақ базарға жеткен бойда менен аулақ жүруін талап еттім», – дейді Назым.

Осы оқиғадан соң біраз уақыт олардың арасы үзілді. Әйел такси жүргізушісінің нөмірін бұғаттап тастады. Алайда, Алмаз басқа нөмірлерден қоңырау шала бастады, кешірім сұрап, өзін ақтауға тырысты. Ол өзінің әрекетін ақтап, Назымға деген сезімін білдіріп, жасағанына өкінетінін айтты. Уақыт өте келе, Назым оның сөздеріне сеніп, Алмаз қайтадан оның тауарын тасымалдап, жүк тиеуге және түсіруге көмектесе бастады.

Осындай жұмыс күндерінің бірінде, Алмаз оны басқа жолмен алып кетті.

«Ол маған Панфилов ауылына тапсырыс жеткізуі керек екенін айтты. Менде ешқандай күдік болмады. Біз бес қабатты үйге келдік. Ол өзімен бірге жоғары көтерілуге ұсыныс жасады. Мен бас тарттым. Сол кезде мені көліктен сүйреп шығарып, аузымды жауып, үйге қарай сүйреп әкетті», – деді Назым.

Бесінші қабатқа дейін ол қорқыныш пен дәрменсіздіктен қарсылық көрсете алмаған әйелді сүйреп шығарған. Ал пәтердің ішінде Алмаз өзін толық қожайын сезінді. Ол қызды соққыға жығып, зорлады. Назымның айтуынша, ойына келгенді істеген Алмаз оны жалаңаш күйінде телефонына бейнежазбаға түсіріп алған.

Назымның айтуынша осы күннен бастап Назымның өмірі үлкен үрейге толы болды. Бір кезде жай ғана таныс болған адам, енді оны еркінен тыс қорлап жүрген бопсалаушысына айналды. Оның Назымға деген қарым-қатынасы құрмет пен түсіністіктен ада болған. Әрбір қадамы, әрбір сөзі аңдулы, суреттері жарияланып қала ма деп қорыққан Назым енді тек оның бұйрығына бағынатын болды. Алмаз кез келген уақытта қоңырау шалып, оны дереу Панфиловқа шақырады. Егер ол оның бұйрықтарын орындамаса, Алмаз оны қорқытып, интимді бейнежазбаларын күйеуіне, енесіне, анасына жіберемін деп қорқытады. Ол қорқыныш оны буып тастаған соң қайта-қайта сол адамның уысына түсіп, қорлап, азаптайтын жерге барған өз аяғымен барғанын айтты. Бірақ қорқыныш — жалғыз азап емес еді.

Назымның айтуынша Алмаз өзінің агрессиясын ашық көрсетуден ұялмады. Ол Назымды ұрып-соғып, бір рет ашу үстінде оның аяғына бұрандалы кілтті тығып алған.

Қорқыту, бопсалау, сынған қабырғалар және күн сайын қорлау

Назым өз азаптаушысына қатты қорқатын. Бірақ ол ең көп қорыққан нәрсе — ер адамның өзі емес еді. Бірінші «өлімнен ұят күшті» демекші, «осы сұмдық ашылып қала ма?» деп зәресі қалмаған. Алмаз оны тек күшпен ғана емес, айламен, қорқынышпен ашса алақанын да, жұмса жұдырығында ұстап отырды.

«Алмаз бір күні маған мен оның бесінші құрбаны екенімді айтты. Менің алдымда зорлаған қыз арыз жазып бірақ кейіннен оны қайтарып алған», — деді Назым.

Әрбір қоңырау келгенде, оның жүрегі үрейден тарылып кететін. Ол бас тартса, әртүрлі нәрсе айтып, қорқытатынын, ал келіссе жаңаша тәсілмен қорлайтынын білетін. Ол үнемі күйзеліп жүрді, назар аудартпауға тырысып, жақындарынан жасырып жүрді. Кездесулерде Алмаз оның барлық таныстарын, қоңырауларын, хат-хабарларын тексеретін. Назымның айтуынша ол басқа еркекпен сөйлессе, тіпті ол сатып алушы немесе сатушы болса да, ол оны ұрып-соғатын.

Назым екі әлемде өмір сүрді. Бірі — бақытты отбасы, күйеуі, баласы, үйі. Екіншісі — қорқыныш, қорлау, бопсалау әлемі.

Күйеуі немесе туыстары көгерген жерлерін байқаса, ол оңай сылтау айта салатын: «Автобусқа соғылдым», «Базарда арба басып кетті». Егер мінез-құлқы өзгерсе, «Шаршадым, көңіл-күйім жоқ» деп айтатын. Күйеуі таңнан кешке дейін жұмыс істеп, шаршап келетін, ол жай ғана оның өмірі баяу өшіп бара жатқанын байқамайтын.

Оның айтуынша, ең қорқыныштысы — ұрып-соққаны, ауыртқаны емес, айрандай ұйып отырған отбасынан айырылып қаламын деп қорыққан. Олар күйеуімен 14 жыл бірге тұрды. Сегіз жыл өткеннен кейін олар көптен күткен қыздарын дүниеге әкелді. Күйеуінің шындықты біліп, одан бет бұрып, баланы алып кететіні туралы ой — жанына маза бермеді.

Әрбір кездесу өткен сайын Алмаз барған сайын ызалы, долы бола түсті. Бір күні ол Назымның бірнеше жыл бұрын Жангер деген біреумен қосылып, күйеуіне опасыздық жасағанын біліп қойды. Бұл факт Назымды қорқыту мен бопсалаудың негізгі қаруына айналды. Енді ол тіпті тек соның айтқанынан шықпайтын болды. Жауап берілмеген қоңырауларға, оқылмаған хабарламаларға ол өз қиялындағы жаңа жыныстық жазалар ойлап табатын. Сондай-ақ, ұрып-соғатын. Қатты әрі ұзақ сабайтын. Бірде ұрып-соғып жатқанда оны қабырғасын сындырып жіберді.

Мұндай сұмдықта да Назым үндемеді, күйеуіне ештеңе айтпады. Ауырсыну мен қозғалудың мүмкін еместігін жасырып, ол бүйрегі ауырғанын және жүрегі аурғанын айтып ақталып жүрді. Оның үстіне бір ай бұрын ол инсульт алған еді.

Секс-құлдықтан құтылу үшін жеті миллион теңге

Назым шынымен де бұл қатыгез адамның бопсасынан шығатын жол жоқ деп ойлады. Ол үнемі қорқынышта өмір сүріп, күйеуінің және оның туыстары әр қоңырауын, әр хатын көріп қоя ма деп қорқатын болды.

«Мені босатуын сұрадым. Бірақ ол тек күліп, мені басқа әйел табатын кезде ғана босататынын және мені ұмытатынын айтты», — деді Назым көзіне жас алып.

Алты айдан соң, Алмаз оған жаңа көлік сатып алғысы келетінін айтты. Жеті миллион теңгеге бір көлік таңдап қойды.

«Ол маған дәл былай айтты: Жақсы, мен сені босатамын, бірақ бір шартпен — маған көлік сатып алып бер», — деді.

Назым ойланбастан келісе кетті. Ең бастысы — бұл азаптың бітуі қажет. Сонша ақшасы болмаған соң, екі миллион теңге несие алуға шешім қабылдады. Шешімін айтқанда Алмаз келісті, өз көлігін сату арқылы қажетті соманы қосатынын ойластырды.

Негізгі шарт — Назымның бүкіл бейнежазбаларын қайтарып, оның өмірі туралы мәңгіге ұмытатындығы болды.

«Мен оған шарт қойғаным үшін ол қатты ашуланды. Ол маған суық көзқараспен қарап, «Әлі бір ай бойы сен өз қызметіңді өтеп шығасың» деді», — деп еске алады Назым сол күнді.

Бұл Назымның сабырлығының соңғы шегі болды. Осы сәтте жүйкесі сыр берген әйел Алмазға не істесе де, қандай компроматты қайда жіберсе де, оған ешнәрсе қорқынышты емес екенін айтты.

Назым ақыры бір күнібопсалаған адам шындықты жайып салатынын, отбасында үлкен дау болатынын іштей сезген еді. Алмаздан кеткеннен кейін, оған жеңгесі қоңырау шалды. Дауысы зілді болды. Ол бір адам Алмаз екенін және Жангер туралы айтқанын хабарлады. Назым не деп жауап берерін білмей, тек: «Кешке сөйлесейік» деп жауап берді.

Таңертең Алмаздың хабарламалары бірінен соң бірі келе бастады — қорқыту, жаман сөздер, тыңдау мүмкін емес даттаған сөздер. Барлығы редакциямызда бар. Бірақ айқай-шу мен балағаттау арасында Алмаздың бопсалаған сөздері де бар еді. Ол барлық интимдік суреттерден үлкен плакаттар шығарып, оларды енесінің үйінің, қызының мектебінің, оның жұмыс орнының маңына іліп қоятынын айтты. Ол Назымнан жауап күтті. Алайда әйел бұл жолы оны елемеуге шешім қабылдады.

Кешке үйде күйеуі, жеңгесі және Назым бас қосты. Алмаз күйеуіне қоңырау шалды. Назым бәрін айтып берді. Толығымен, түк қалдырмай баяндады.

«Мен күйеуіме егер мені үйден қуып жіберсе, оны түсінетінімді айттым», — деп еске алады әйел.

Бірақ Даурен (біздің кейіпкеріміздің күйеуі) қаншама жыл бірге тұрғандарын айтып, оны қиын сәтте тастамайтынын айтты.

Сот күдіктіні кепілмен босатты

Келесі күні, 2025 жылдың 6 наурызында таңертең Назым күйеуімен бірге Алматы облысының Талғар аудандық ішкі істер бөліміне барды. Олар арыз жазды, сол күні кешке Алмаз тұтқындалды.

Бұл сәтте әйелде әйтеу азап бітті деген ой болды. Бірақ оның жұмысына да, үйіне де Алмаздың туыстары келіп, қыздан кешірім сұрап, оған ақша ұсынды. Олар күндіз де, кешке де келіп тұрды. Бірақ Назымның отбасы мен оның адвокаты соңына дейін барамыз деп шешті, кінәлі адамды жазалауға ниеттенді.

Алайда үш күн бұрын Алмаз тағы да басқа нөмірден қоңырау шалды. Оны қамаудан босатқаны белгілі болды. Енді ол күн сайын Назымға қоңырау шалатын көрінеді.

Orda.kz тілшісі таңертең Алмазға қоңырау шалып, оның айтарын тыңдамақ болды, бірақ бар болғаны тек дөрекі жауап естіді. Тілшімізге кеш бата өзі қайта қоңырау шалып, тағы да дөрекі сөйледі: «Әр адам қателік жасауы мүмкін» деп айтты.

«Не үшін менің өміріме араласасыз? Сізге не айтқанын біле бермейсіз, егер бұл материалды шығарсаңыздар, өкінесіздер», — деп айқайлады ол телефон арқылы.

Біз Алматы облысының Полиция департаментінен түсініктеме сұрадық.

«Сот кепілмен босату туралы шешім қабылдады», — деп жауап берді аймақтық полиция департаменті.

Назымның айтуынша ол бостандыққа шыққалы оның өмірі мен денсаулығына әлі қауіп төніп тұр. Өйткені оны алты айдан астам уақыт бойы азаптаған адам оның жұмысын, тұратын жерін, қызының оқитын мектебін біледі, күн сайын қоңырау шалып, кездесуге шақырады.

Orda.kz бұл оқиғаны бақылап, әрі қарай ақпарат беріп отыратын болады.