«Jalǵan qujattar jasaıdy»: Antıkor alaıaqtarǵa qatysty málimdeme jasady

Foto: ashyq derekkóz

Jelide sybaılas jemqorlyqqa qarsy is-qımyl agenttiginiń basshylyǵy men qyzmetkerleriniń atynan jalǵan paraqsha ashylǵan. Bul týraly Stan.kz aqparat agenttigi habarlaıdy.

Sybaılas jemqorlyqqa qarsy qyzmet Antıkor atynan paraqsha ashqan alaıaqtar týraly eskertti.

Alaıaqtar Antıkor belgileri bar jalǵan qujattardy, faıldar men habarlamalardy jasaıdy jáne jiberedi.

“Jalǵan aqparattyq bıýlletenderge senbeńiz, kúmándi siltemelerdi baspańyz jáne aqsha aýdarmańyz. Eger osyndaı qońyraýlar nemese poshtalyq habarlamalar tússe, bul faktiler týraly dereý quqyq qorǵaý organdaryna habarlaýyńyzdy suraımyz”, – dep málimdedi sybaılas jemqorlyqqa qarsy qyzmet.