جاڭالىقتار
جالعاس جۇماعۇلوۆ UFC-ءدىڭ ەكس-جاۋىنگەرىن جەڭدى
فوتو: Josh Hedges/Getty Images
قازاق مما جاۋىنگەرى جالعاس جۇماعۇلوۆ پاۆلوداردا وتكەن Fight Nights تۋرنيرىندە امەريكالىق دجاستين سكوگگينستى جەڭدى. بۇل تۋرالى Stan.kz اقپارات اگەنتتىگى حابارلايدى qandastar.kz
قازاقستاندىق سپورتشى UFC-ءدىڭ ەكس-جاۋىنگەرىن تورەشىلەر شەشىمىمەن ۇتتى. وسىلايشا, جۇماعۇلوۆتىڭ بوكستاعى ەكىنشى كەزدەسۋى دە جەڭىسپەن اياقتالدى.
ايتا كەتەيىك, جالعاس كاسىپقوي بوكستاعى العاشقى جەكپە-جەگىن 2024 جىلدىڭ جەلتوقسان ايىندا وتكىزگەن ەدى. وتانداسىمىز نورۆەگيا سپورتشىسى راۆاندا وۋبۋدى تورەشىلەر شەشىمىمەن ۇتقان.
جالعاس جۇماعۇلوۆ ارالاس جەكپە-جەكتە 26 رەت وكتاگونعا شىعىپ, ونىڭ 17 جەڭىسپەن, 9 كەزدەسۋدى جەڭىلىسپەن اياقتاعان. سوڭعى رەت سپورتشى 2024 جىلدىڭ قازان ايىندا سلوۆاكيانىڭ براتيسلاۆا قالاسىندا Octagon MMA ليگاسىندا ۋەلس سپورتشىسى اارون ەيبيدى جەڭگەن ەدى.
