«Jalǵyz ulymdy áskerge attandyryp, úıime máıiti keldi» – Qorǵanys mınıstrine úndeý

Foto: ashyq derekkóz

Mańǵystaý oblysyndaǵy «Oımasha» polıgonynda baıqaýsyzda oq tıip, kóz jumǵan sarbazdyń ákesi balasynyń abaısyzda ólim qushqanyna senbeıdi, dep habarlaıdy Ulysmedia.kz.

ÁKE ÚNDEÝI

Mańǵystaý oblysynda ulynyń ólimine qatysty bolǵan qaıǵyly jaǵdaıdan soń sarbazdyń ákesi áleýmettik jelige vıdeo úndeý joldady.

MINISTRGE TALAP

Ol Elimizdiń Qorǵanys mınıstrine bul jaǵdaıdy óz baqylaýyna alyp, tergeýdiń ádil júrýin qamtamasyz etýin surady.

“Balamnyń betine tıgin tapanshadan shyqqan oqty baıqaýsyzda atylǵan degen qorytyndy berilgen. Muny oqys jaǵdaı dep otyr. Ofıer tapanshany ermek qylyp oınaǵan. Sóıtip ol shúrippeni abaısyzda basyp alǵan. Tapansha atylý úshin aldymen, ony oqtaý kerek, sosyn saqtandyrǵyshtan shyǵarylýy kerek emes pe? Ol qalaı birden atylyp ketedi”, degen sarbazdyń ákesi bul iske qatysy barlar máseleni osylaı jaba salǵysy kelip otyrǵanyna ashýly.

“Qazir Aqtaý qalasyndaǵy tergeý sharalaryna jol júrip bara jatyrmyz. Men istiń mán-jaıyn búge-shigesine deıin anyqtap qaraǵanyn talap etemin”, degen ol balasynyń denesin kórýge máıithanaǵa bara jatqanyn jetkizdi.

QALAI BOLDY?

Eske sala ketsek, búgin Mańǵystaý oblysyndaǵy «Oımasha» polıgonynda bir sarbazǵa baıqaýsyzda oq tıip, kóz jumǵanyn habarlaǵanbyz. Qaıǵyly oqıǵa «Batys» óńirlik qolbasshylyǵy bólimderiniń jıyny kezinde bolǵan.

Beıresmı aqparatqa sáıkes, 17:10 shamasynda lager boıynsha kezekshi, gvardııa leıtınanty PM 9 mm tapanshasynan oq atqan. Atylǵan oq qatardaǵy jaýynger Marat Erboluly Barqulovtyń betine tıgen.

Sarbaz aýrýhanaǵa jetkizilgenimen onyń ómirin arashalaý múmkin bolmaǵan. 17:40 shamasynda er adam kóz jumdy.