«Jalǵyz urpaǵyn kóp kórmeımiz, estimeımiz»: Láıli Sultanqyzy marqum Batyrhan Shúkenovtiń anasynyń armanyn aıtty

Foto: https://www.instagram.com/sultankyzy/

Tanymal BAQ ókili, jýrnalıst Láılá Sultanqyzy marqum Batyrhan Shúkenovti esine aldy. Bul týraly qandastar.kz  Stan.kz aqparat agenttigine silteme jasap habarlaıdy.

Medıa mamany Zamandas podkastynda marqum ánshini sońǵy ret qaı jerden kórgenin aıtty.

“Ol kezde radıoda isteımin. Qazaqsha sóılep, qazaqsha efır júrgizetin edim. Bir kúni qolymda kóp dıskimen Nurbergen Mahambetovtiń kabınetine kele jattym. Men áli kishkentaımyn. Sol jyly bizge Beıbit Álibekov mektep bitirip kelip jatqan. Júgirip kele jatyp qarasam, Nurbergenniń kabınetinde Batyr tur. Batyrdy kórgende tilimdi jutyp qoıdym. Qolymdaǵy dıskiniń bárin qulatyp aldym. Sonda maǵan qarap, «efırde qazaq tilinde sóıleıtin qyz ba?» dep surady. «Iá, men» dedim. Keıinirek Batyr Superstar.kz jobasyna shaqyrǵanda qatty tańǵaldym. Balalyq arman edi ǵoı. Sonda Batyrǵa qarap otyra beretinmin. Ol kúshti sóıleıtin, kúshti áńgimeler aıtatyn», – dedi jýrnalıst.

Sonymen qatar marqumnyń týyp-ósken shańyraǵynda da jıi qonaq bolatyn kezdi aıtyp berdi.

“Qyzylordaǵa áke-sheshesiniń úıine bardyq. Men kishkene qazaqsha sóıleımin, daýdyrap áńgimemdi aıta beremin ǵoı. Sodan anasy «Áı, qyzym, otyr. Sen nege júrsiń? Qaramaısyń ba, Batyrǵa ǵashyq qazaq qyzdary kóp qoı, ıá?» dedi. Sodan men «Iá, Batyrdy barlyq qyz ony unatady» dep jatyrmyn. Sonda «Sol balam jaqsy kelinshek alsa degen armanym ǵoı» dep armanyn aıtty. Sol kezde Batyrdyń anasy onyń bir qazaq qyzyna úılengeni, úbirli-shúbirli, balaly-shaǵaly bolǵanyn qalaǵanyn túsindim. 2006 jyly ma eken, 25 qazanda toıǵa shaqyrdy. Qazaq qyzǵa úılendi. Bárimiz qatty qýandyq. «Batyrhandy qaıtys bolarynyń aldynda 1-2 aı buryn kórdim. «Qazmedıada» edim, Rixos-qa shaı ishýge shaqyrdy. Qasynda uıymdastyrýshy áıel boldy. Nege shaqyrǵanyn surasam, «Jaı sóıleseıin degenmin, bópeleriń qalaı» dedi. Sodan «Úıge júrińiz, shaı ishińiz» dep em, «Joq, men 1 kúnge keldim, bári jaqsy» dep kóp ashyla qoıǵan joq. Árıne, ókinishke qaraı, Batyrdyń artynan qalǵan jalǵyz urpaǵy Maqsutty kóp kórmeımiz, ol týraly kóp estı de bermeımiz. Keıde qazaqtyń sondaı myqty jigitterinen urpaq kóp qalǵany durys pa edi» –dep oıyn bólisti BAQ ókili.

Eske salaıyq, Ulttyq bank Batyrhan Shúkenovtiń týǵan kúnine oraı kollekııalyq monetalar shyǵarǵan edi.