«Жалмаңдап мазаны алдыңдар»: Журналист «ақыл айтқыш» коучтар мен психологтарға үндеу жасады

Фото: ашық дереккөз

Не болады, сол бола берсін, ертең өлесің бе, тірі қаласың ба, құдай біледі дейді. Шашып, ішіп-жеп, өміріңді сүр деп отыр, сондай кімді тыңдаймыз? Ақылдасып айтсаңдаршы құрсын.

Танымал блогер, журналист Мөлдір Анарбаева халыққа «ақыл айтқыш» коучтар мен психологтарды сынады, деп хабарлайды  qandastar.kz Skifnews.kz ақпарат порталына сілтеме жасап.

Желі жұлдызы парақшасынад әзіл-шыны аралас видео жариялады.

 «Осы күні не істерімізді білмей қалдық. Ертеңіне жоспары жоқ адам, өлген адаммен тең дейді. Ал, біреуі айтады, жоспар дегеннің қажеті жоқ, күнделікті өмірмен өмір сүр дейді. Не болады, сол бола берсін, ертең өлесің бе, тірі қаласың ба, құдай біледі дейді. Шашып, ішіп-жеп, өміріңді сүр деп отыр, сондай кімді тыңдаймыз? Бұлар ертең мыналарға не айтамыз деп оянады ғой деймін?

Ақылдасып айтсаңдаршы құрсын. Біреуің бүгінмен өмір сүр дейсің, енді біреуің ертеңіңді ойла, дейсің. Тыңдамайық десек, жалмаң етіп алдымыздан шыға келесіңдер. Бір ұйықтайық десек мазаны алып не жатқызбайсыңдар одан кешке дейін аласұрып өлетін болдық. Бір күні көшеде талып қалмасақ болды», — деді блогер.