جاماۋباەۆ جاڭا قىزمەتكە تاعايىندالدى

بۇل تۋرالى اقوردانىڭ ءباسپاسوز قىزمەتى ءمالىم ەتتى.

مەملەكەت باسشىسىنىڭ وكىمىمەن ەرۇلان كەنجەبەك ۇلى جاماۋباەۆ قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى, – دەلىنگەن قۇجاتتا.

ەرۇلان جاماۋباەۆ 1974 جىلى 25 ناۋرىزدا دۇنيەگە كەلگەن. 1995 جىلى قازاق مەملەكەتتىك باسقارۋ اكادەمياسىن, 2009 جىلى ت.رىسقۇلوۆ اتىنداعى قازاق ەكونوميكا ۋنيۆەرسيتەتىنىڭ جانىنداعى بيزنەس مەكتەبىن بىتىرگەن.

1996-1998 جىلدارى – قازاق مەملەكەتتىك باسقارۋ اكادەمياسىنىڭ وقىتۋشى-تالىمگەرى, وقىتۋشىسى.

1998-2006 جىلدارى – قازاقستان رەسپۋبليكاسى ۇلتتىق بانكىنىڭ جەتەكشى ساراپتاماشىسى, باس ساراپتاماشىسى, باسقارما باستىعى, زەرتتەۋ جانە ستاتيستيكا دەپارتامەنتى ديرەكتورىنىڭ ورىنباسارى

2006-2014 جىلدارى – قازاقستان رەسپۋبليكاسى ۇلتتىق بانكىنىڭ ۇيلەستىرۋ دەپارتامەنتىنىڭ ديرەكتورى.

2014-2015 جىلدارى – «قازاقستاننىڭ تۇرعىن ءۇي قۇرىلىس بانكى» اق باسقارۋشى ديرەكتورى.

2015 جىلعى شىلدە مەن قاراشا ارالىعىندا – قازاقستان رەسپۋبليكاسى پرەزيدەنتىنىڭ اكىمشىلىگى الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.

2015-2018 جىلدارى – قازاقستان رەسپۋبليكاسى پرەزيدەنتىنىڭ اكىمشىلىگى الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى.

2018 جىلعى قاراشادا قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى.

2020 جىلدىڭ مامىر ايىنان قر قارجى ءمينيسترى بولىپ تاعايىندالدى.

2022 جىلعى 11 قاڭتاردان باستاپ مەملەكەت باسشىسىنىڭ جارلىعىمەن قر قارجى ءمينيسترى بولىپ تاعايىندالدى.

ەسكە سالساق, 6 اقپاندا مەملەكەت باسشىسىنىڭ جارلىعىمەن ءمادي توكەش ۇلى تاكيەۆ قازاقستان رەسپۋبليكاسىنىڭ قارجى ءمينيسترى لاۋازىمىنا تاعايىندالدى.