Jamaýbaev jańa qyzmetke taǵaıyndaldy

Bul týraly Aqordanyń baspasóz qyzmeti málim etti.

Memleket basshysynyń ókimimen Erulan Kenjebekuly Jamaýbaev Qazaqstan Respýblıkasy Prezıdentiniń keńesshisi laýazymyna taǵaıyndaldy, – delingen qujatta.

Erulan Jamaýbaev 1974 jyly 25 naýryzda dúnıege kelgen. 1995 jyly Qazaq memlekettik basqarý akademııasyn, 2009 jyly T.Rysqulov atyndaǵy Qazaq ekonomıka ýnıversıtetiniń janyndaǵy Bıznes mektebin bitirgen.

1996-1998 jyldary – Qazaq memlekettik basqarý akademııasynyń oqytýshy-tálimgeri, oqytýshysy.

1998-2006 jyldary – Qazaqstan Respýblıkasy Ulttyq bankiniń jetekshi saraptamashysy, bas saraptamashysy, basqarma bastyǵy, Zertteý jáne statıstıka departamenti dırektorynyń orynbasary

2006-2014 jyldary – Qazaqstan Respýblıkasy Ulttyq bankiniń úılestirý departamentiniń dırektory.

2014-2015 jyldary – «Qazaqstannyń turǵyn úı qurylys banki» AQ basqarýshy dırektory.

2015 jylǵy shilde men qarasha aralyǵynda – Qazaqstan Respýblıkasy Prezıdentiniń Ákimshiligi Áleýmettik-ekonomıkalyq monıtorıng bólimi meńgerýshisiniń orynbasary.

2015-2018 jyldary – Qazaqstan Respýblıkasy Prezıdentiniń Ákimshiligi Áleýmettik-ekonomıkalyq monıtorıng bóliminiń meńgerýshisi.

2018 jylǵy qarashada Qazaqstan Respýblıkasy Prezıdentiniń Kómekshisi bolyp taǵaıyndaldy.

2020 jyldyń mamyr aıynan QR Qarjy mınıstri bolyp taǵaıyndaldy.

2022 jylǵy 11 qańtardan bastap Memleket basshysynyń jarlyǵymen QR Qarjy mınıstri bolyp taǵaıyndaldy.

Eske salsaq, 6 aqpanda Memleket basshysynyń Jarlyǵymen Mádı Tókeshuly Takıev Qazaqstan Respýblıkasynyń Qarjy mınıstri laýazymyna taǵaıyndaldy.