جاڭالىقتار
جامبىل مەكتەبىندە التىن بۇيىم ساتقاندار جازالاندى
جامبىل وبلىسىندا مەكتەپ كىتاپحاناسىندا التىننان جاسالعان اشەكەي بۇيىمداردى ساتقان, دەپ حابارلايدى qandastar.kz سايتى.
تۇرار رىسقۇلوۆ اتىنداعى مەكتەپتە تۇسىرىلگەن ۆيدەو جەلىگە جۇكتەلگەن. تاسپادان ۇستازدار مەن باسقا قىزمەتكەرلەردىڭ التىن اشەكەيلەردى كورىپ جاتقانى بايقالادى. كىتاپحانا ناعىز بازارعا اينالعان.
جامبىل وبلىسىنىڭ ءبىلىم باسقارماسى وسىنداي بۇزۋشىلىق بولعانىن راستادى. وقيعا 2 ءساۋىر كۇنى بولعان.
«3 ساۋىردە ءبىلىم مەكەمەسىنىڭ ديرەكتورى بوگدە ادامنىڭ مەكتەپكە كىرۋىنە جول بەرگەن ۆاحتەر مەن جۇمىسىنا نەمقۇرايلى قاراعان كىتاپحاناشىعا قاتىستى تارتىپتىك شارا قولداندى», — دەدى ۆەدومستۆو.
