جامبىل وبلىسىندا التى ادام گازدان ۋلانىپ كوز جۇمدى

فوتو: Pixabay

جامبىل وبلىسىنىڭ ەكى اۋىلىندا ءبىر كۇندە تابيعي گازدىڭ سالدارىنان بىرنەشە قايعىلى وقيعا بولدى. التى ادام كوز جۇمىپ, تاعى ءبىر زارداپ شەككەن ادام اۋرۋحاناعا جاتقىزىلدى, دەپ حابارلايدى Skifnews.kz اقپارات پورتالى.

وقيعانىڭ ءمان-جايىن جامبىل وبلىسىنىڭ توتەنشە جاعدايلار دەپارتامەنتى حابارلاندى. العاشقى وقيعا جامبىل اۋدانى, قىزىل شارىق اۋىلىنداعى جەكە تۇرعىن ۇيدە 17 قازان كۇنى ساعات 07:40 شاماسىندا بولعان.

 «تابيعي گازبەن سونگەن پەشتىڭ سالدارىنان (جاعداي انىقتالۋدا) ءۇش ادام ۋلانعان. 1963 جىلى تۋعان ءۇيدىڭ يەسى مەن ونىڭ 1988 جىلعى ۇلى قايتىس بولدى, ال 2007 جىلى تۋعان نەمەرەسى اۋىر جاعدايدا اۋرۋحاناعا جاتقىزىلدى», – دەپ حابارلادى تجد وكىلى.

ءبىر كۇن بۇرىن, 16 قازاندا ت.رىسقۇلوۆ اۋدانىنداعى اۋىلىندا جەكە تۇرعىن ۇيدە شاينەك قايناپ جاتقان كەزدە گاز پليتاسىنىڭ ءسونىپ قالۋىنان گاز شىعىپ كەتكەن. تابيعي گازدان ۋلانۋ سالدارىنان ءۇيدىڭ 1967 جانە 1975 جىلى تۋعان يەلەرى, سونداي-اق ولاردىڭ 2011 جانە 2019 جىلى تۋعان بالالارى قايتىس بولدى.

 «ەكى جاعداي بويىنشا دا سوت-مەديتسينالىق ساراپتاما جۇرگىزىلۋدە, ماتەريالدار قوسىمشا تەرگەۋ ءۇشىن تەمىر جول مينيسترلىگىنە جىبەرىلدى», – دەپ حابارلادى جامبىل وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى